‘મને રોકી શકતા હો તો રોકી લો’

અમેરિકામાં દારૂ પીને ગાડી ચલાવી રહેલા એક યુવકે પોલીસને ખૂબ થકવ્યા

આ મામલો નેવાડાના લાસ વેગાસ શહેરનો છે. આ યુવકે દારૂ પીને પોલીસને ફોન કરી દીધો કે તે દારૂ પીને કાર ચલાવી રહ્યો છે. આ પછી પોલીસે ચાર્લ્સ પિલેટ્ટે નામના આ 20 વર્ષીય યુવકને પકડવાની બહુ કોશિશ કરી, પરંતુ તે પકડાયો નહીં. આ પછી તેની ગાડી એક ઝાડ સાથે ટકરાઈ અને પોલીસે તેને પકડી લીધો.

જ્યારે ચાર્લ્સે હેન્ડરસન વિસ્તારની બોરેડર પાસ કરી તો મેટ્રોપોલિટન પોલીસ તેનો પીછો કરવામાં લાગી ગઈ હતી. તેની ગાડીના ટાયરને પંચર કરવા માટે પોલીસે રસ્તા પર સ્ટોપ સ્ટિક્સ પણ લગાવ્યા હતા. ચાર્લ્સ એક તરફ ગાડી ચલાવતો રહ્યો અને બીજી બાજુ ફોન કરતો રહ્યો.

આ પછી મેટ્રોપોલિટન પોલીસ કારે તેની કારને ટક્કર મારી અને તેની કાર ઝાડ સાથે અથડાઈ ત્યારે તે ઝડપાયો. તેને સામાન્ય ઈજા થઈ હતી. આ આખો ઘટનાક્રમ કોમ્પ્યુટર ગેમ રોડ રેસ જેવો રહ્યો હતો.