કેટરિના આટલી સુંદર કેમ?

કહેવાય છે કે સુંદરતા વધારવા માટે જીન્સ બહુ મોટી ભૂમિકા ભજવે છે પણ સંશોધકો એવુ નથી માનતા. તેમનુ કહેવુ છે કેમાતા પિતા સુંદર ન પણ હોય તોય બાળકો સુંદર પેદા થતા હોય છે. કારણ કે સુંદરતા માટે જીન્સ નહીં પણ ઓક્સિડેન્ટિવ સ્ટ્રેસ અને એન્ટિઓક્સિડેન્ટ જવાબદાર છે. આ જ કારણે અમુક લોકો સુંદર અને અમુક લોકો સાધારણ દેખાવ ધરાવે છે.આપણા શરીરના બધા જ કોષો ઉર્જા પ્રાપ્ત કરવા માટે ઓક્સિજન શોષે છે. આ પ્રક્રિયા દરમિયાન કેટલાક આવશ્યક કોષનુ નિર્માણ થઈ જાય છે જેને "ફ્રી રેડિકલ" કહેવાય છે. આ કોષો અન્ય કોષો સાથે રાસાયણિક પ્રક્રિયા કરે છે અને તેનાથી અન્ય કોષો નષ્ટ થઈ જાય છે જેને ઓક્સિડેન્ટિવ સ્ટ્રેસ કહેવાય છે.

ઓક્સિડેન્ટિવ સ્ટ્રેસને એન્ટિઓક્સિડેન્ટ નિયંત્રણમાં રાખે છે. જેનાથી શરીરના કોષ સ્વસ્થ રહે છે. પરંતુ જો ઓક્સિડેન્ટિવ સ્ટ્રેસ બહુ વધી જાય તો ડીએનએને નુકશાન થઈ શકે છે.

આપણા શરીરના ઓક્સિડેન્ટિવ સ્ટ્રેસ અને એન્ટિઓક્સિડેન્ટનુ પ્રમાણનો તફાવત વ્યક્તિને સુંદર અથવા કદરૂપુ બનાવે છે. જે લોકોના શરીરમાં ઓક્સિડેન્ટિવ સ્ટ્રેસ ઓછુ હોય છે તે અન્ય લોકોની સરખામણીમાં વધુ સુંદર હોય છે. આ વાત પુરુષો અને સ્ત્રીઓ બન્ને પર લાગુ પડે છે.

વૈજ્ઞાનિકોના કહેવા પ્રમાણે ઓક્સિડેન્ટિવ સ્ટ્રેસની અછતને કારણે શારીરિક સુંદરતા વધી જાય છે અને તેના કારણે તેઓ અન્ય લોકો કરતા વધુ સુંદર દેખાઈ આવે છે.