નેહરુએ પોતે શેખ અબ્દુલ્લાને કહ્યું હતું, UNમાં કાશ્મીરનો મુદ્દો લઈ જવો ભૂલભર્યો હતો

હાથી પણ હવે બરફના ગોળા બનાવીને એકબીજા સાથે રમી રહ્યા છે

યુરોપમાં અત્યારે કાતિલ ઠંડી પડી રહી છે. ચારે બાજુ બરફ જામી ગયો છે. બર્લિનના એક પક્ષીઘર ખાતે ઉપસ્થિત હાથણીએ પણ આ ઠંડીની મઝા માણી લીધી છે. હાથી પણ હવે બરફના ગોળા બનાવીને એકબીજા સાથે રમી રહ્યા છે. બર્લિનના જૂલોગિશર ગાર્ટનમાં કો રાયા નામની આ એશિયન હાથણી બરફમાં ખૂબ મસ્તી કરી રહી છે. અહીંયા તાપમાન ઝીરો ડિગ્રી કરતા પણ નીચે જતુ રહ્યું છે અને બરફ પણ ચારેય બાજુ જામી ગયો છે.


ઉલ્લેખનીય છે કે જર્મનીમાં પણ અત્યારે ભીષણ ઠંડી પડી રહી છે. ક્રિસમસની સાંજે અહીંયા 12 ઈંચ કરતા પણ વધારે બરફ પડ્યો છે. બાંગ્લાદેશ, ભારત, શ્રીલંકા, નેપાળ, વિએતનામ, કંબોડિયા અને મલેશિયામાં ફરતા આ એશિયાઈ હાથીઓને સામાન્ય રીતે જંગલોમાં બરફ જોવા મળતો નથી.

કો રાયાએ એશિયાનું હવામાન જોયુ નથી. તેનો જન્મ 2009માં જર્મનીમાં થયો હતો. આ હાથણીએ આ ભારે બરફ વર્ષામાં પણ મસ્તીનો માહોલ શોધી નાંખ્યો છે.