પોતાના કપડા પણ જાતે ન ખરીદી શકતા પુરુષો

ઘણા પુરુષો આ વાત સાથે સહેમત નહીં થાય પણ એક નવા સર્વે અનુસાર મોટાભાગના પુરુષો કપડા નથી ખરીદી શકતા. હકીકતમાં મોટાભાગે પુરુષો સ્ત્રીઓ પર એટલે તેમની પત્ની અથવા માતા પર આધાર રાખે છે કે તેઓએ કેવા કપડા ખરીદવા જોઈએ.

બ્રિટનમાં થયેલા એક સર્વે અનુસાર, 3માંથી લગભગ 2 પુરુષો સ્વીકાર્યુ હતું કે જ્યારે તેઓ પુરુષોના સ્ટોરમાં કપડા ખરીદવા જાય છે ત્યારે તેઓ સ્ત્રીની સલાહ અનુસરે છે. જ્યારે 48 ટકા પુરુષોએ તો કહ્યુ કે તેઓ તેમની પત્નીને જ તેમના માટે કપડા પસંદ કરવા અથવા ખરીદવાની છૂટ આપે છે.

1000થી વધુ પુરુષો પર થયેલો આ સર્વે વીઝીટબર્મિંગહામ.કોમ દ્વારા કરવામાં આવ્યો હતો.

મેન્સવેર ડિઝાઈનર નિલ ફેનેલે કહ્યુ હતું કે, "પુરુષોને પોતાના માટે વસ્ત્રો ખરીદવા થોડા મુશ્કેલ લાગે છે કારણ કે તેમને ખ્યાલ નથી હોતો કે તેમને કેવા કપડા ખરીદવા છે અથવા તેમને ખ્યાલ નથી આવતો કે તેમના શરીર અનુસાર ક્યા કપડા તેમને વધુ સૂટ થશે."