પાતળી કામણગારી કમર બચાવે કેન્સરથી

શિલ્પા અને કરિના જેવી પાતળી કમર જોઈતી હોય તો સારી વાત છે કારણ કે વિશેષજ્ઞોનુ કહેવુ છે કે મોટી કમરવાળી 44 ટકા સ્ત્રીઓ અને 32 ટકા પુરુષોને કેન્સર થવાનો ખતરો રહે છે. માટે જે સ્ત્રીઓ કેન્સરથી બચવા માંગે છે તે પોતાના શરીરને સુડોળ આકારમાં ઢાળી લે.

વિશેષજ્ઞોના કહેવા અનુસાર, સારા સ્વાસ્થ્ય માટે કમરની પહોળાઈ 31.5 ઈંચથી વધુ ન હોવી જોઈએ જ્યારે પુરુષોની કમરની પહોળાઈ 37ઈંચથી વધુ ન હોવી જોઈએ. એશિયાઈ પુરુષોની કમર 35ઈંચથી ઓછી હોવી જોઈએ.

જો પુરુષો તેમ જ સ્ત્રીઓની કમર વધારે મોટી છે તો તેમણે વજન ઓછુ કરવાની કવાયત શરૂ કરી દેવી જોઈએ. આજે વિશ્વમાં મોટાભાગની સ્ત્રીઓ મોટાપાને કારણે પરેશાન છે. કમર પર જામેલી ચરબીને કારણે આવી સ્ત્રીઓ જલ્દીથી કેન્સરના સંકજામાં આવી જાય છે.

તેમને આંતરડા, સ્તન અને ગર્ભાશયનુ કેન્સર થવાની શક્યતા રહે છે અને તેમને ટાઈપ 2ના ડાયાબીટિઝ અને હૃદયરોગનો પણ ખતરો રહે છે.