આ સાહસને દાદ તો આપવી જ રહી...

આ દ્રશ્ય છે સિડનીમાં આયોજિત હોબાર્ટ રેસનું
હોય હૈયે હામ અને ઈશ્વરમાં અડગ શ્રઘ્ધા, પછી બીજી જરૂર શી! કવિવર ટાગોરની પંક્તિ એકલો જાને રે અહીં યાદ આવ્યા વિના ન રહે. સિડનીમાં આયોજિત હોબાર્ટ રેસમાં નાનકડી હોડી સાથે ખલાસીએ દિલમાં મોટી હામ લઈ દરિયામાં ઝંપલાવ્યું હતું. દરિયો કયારે તોફાની બનશે, એનો અણસાર ભલે હમણાં ન હોય, પરંતુ માથે મંડરાતા તોફાની, કાળા ડિબાંગ, ધેઘૂર વાદળો તો કયારે ફાટશે, એનું નક્કી નહીં. આકાશમાંથી ગમે ત્યારે આખો દરિયો વરસી પડે તેવી નજરે દેખાતી, અનુભવાતી ક્ષણમાં પણ જરાય વિચલિત થયા વિના નાવિકે હોડી હંકારવાનું છોડયું નથી. આ સ્પર્ધામાં જીત ચાહે ગમે તે સ્પર્ધકની થઈ હોય, આ નાવિકની હિંમતને સલામ મારવાનું ચૂકવા જેવું નથી જ. હોબાર્ટ સેસની એક તસવીરી ઝલક...