ખરાબ સપના આવે છે ?

જાગતી વેળાએ આપણે જે જોઇએ છીએ, કરીએ છીએ, સાંભળીએ છીએ તે ક્યાંક ને ક્યાંક આપણા મનમાં કેદ થઇ જાય છે.

સ્વપ્નો બધા જુએ છે, કેટલાક જાગતી આંખે જુએ છે તો કેટલાક ઊંઘમાં. ઊંઘમાં મોટાભાગના લોકોને સપના આવે જ છે. સ્વપ્નોના પ્રકાર પણ અલગ-અલગ હોય છે. સપનાની દુનિયા સંપૂર્ણત: અવાસ્તવિક હોય છે. પણ હા સપના આપણા ભવિષ્યના સંબંધમાં કોઇ સંકેત અવશ્ય આપે છે. જ્યોતિષશાસ્ત્રમાં સપનાનો ઊંડાણભર્યો છે.

સારા સ્વપ્નો આવે છે ત્યાં સુધી તો ઠીક છે પણ કેટલાક લોકોને ડરામણા અને ખરાબ સ્વપ્નો પણ આવે છે. જેના કારણે કેટલીકવાર તેઓ ચોંકીને ઉઠી જાય છે. કોઇ સપનામાં જુએ છે કે તેના જીવને જોખમ છે તો કોઇ ભૂત-પ્રેતને નિહાળે છે. મોટાભાગના સ્વપ્નો આપણા મગજની જ ઉપજ હોય છે. જાગતી વેળાએ આપણે જે જોઇએ છીએ, કરીએ છીએ, સાંભળીએ છીએ તે ક્યાંક ને ક્યાંક આપણા મનમાં કેદ થઇ જાય છે. રાત્રે ઊંઘ્યા બાદ મગજમાં દિવસભરની વાતો સપનાને જન્મ આપે છે. આવા ખરાબ સ્વપ્નોથી પીછો છોડાવવા માંગતા હોવ તો નીચેના ઉપાયો કરો -

- જાગતી વેળાએ વધારે ન વિચારો. વધારે કલ્પનાઓ ન કરો.
- દિવસભર પોતાની જાતને ખરાબ વિચારોથી બચાવીને રાખો.
- ભૂત-પ્રેતના ઉલ્લેખ વાળુ સાહિત્ય ન વાંચો.
- મિત્રો સાથે ગપ્પા મારતી વખતે ભૂત-પ્રેત કે અન્ય ખરાબ, ડર પ્રેરે તેવી વાતો ન કરો.
- હંમેશા હકારાત્મક વિચારો. મનમાં ક્યારેય નકારાત્મક વિચાર ન લાવો.
- ક્રોધ પર કાબુ રાખો, પ્રયત્ન કરો કે ક્રોધ કરવો જ ન પડે.
- સવારે જાગ્યા બાદ ધ્યાન અને યોગા અવશ્ય કરો.
- ઊંઘતા પહેલા ભગવાનનું સ્મરણ અવશ્ય કરો. બની શકે તો પોતાના ઇષ્ટદેવની પ્રાર્થના કરીને સુવાનું રાખો.
- ધર્મશાસ્ત્ર વાંચવામાં રુચિ જગાડો.
- એકદમ અંધારા રુમમાં ન સુવું. શક્ય હોય તો રુમમાં પીળી રોશનીની વ્યવસ્થા ચોક્કસ કરવી.
- જો સપનામાં સાપ દેખાય તો સંભવ છે કે આપની કુંડળીમાં કાલસર્પ દોષ છે. માટે સંબંધિત જ્યોતિષીનો સંપક્ર કરો.
- પોતાના તકિયા નીચે ચપ્પુ મૂકીને સુવું.
- મંગળવારે હનુમાનજીની વિશેષ પૂજા આરાધના કરવી.
- દિવસમાં ઊંઘવાનું ટાળવું.