તો 1લી જાન્યુ.એ ‘હોટ’ અમદાવાદ હશે ઠંડુગાર

કમોસમી વરસાદ અને વાતાવરણમાં થેયલા બદલાવના કારણે આગામી બે દિવસમાં શહેરમાં ઠંડીનું પ્રમાણ વધે તેવી સંભાવના છે. તેમાં પણ નવા વર્ષની શરૂઆત રેકોર્ડ બ્રેક ઠંડીથી થઇ શકે છે. 

ભારતીય મેટ્રોલોજીકલ ડિપાર્ટમેન્ટ, અમદાવાદના ડિરેક્ટર કલમજિત રાયનું કહેવું છે કે કમોસમી વરસાદ અને 88 ટકા ભીનાશના કારણે હાલ જે તાપમાન છે તેમાં વધારો થઇ શકે છે. જેના કારણે અમદાવાદની નવા વર્ષની શરૂઆત દશકાના સૌથી ઠંડા દિવસ તરીકે થઇ શકે છે. 

તેમણે કહ્યું કે, અમદાવાદમાં છેલ્લા દશકામાં 27 ડિસેમ્બર 2003 અને 28 ડિસેમ્બર 2005ના રોજ 7.4 ડિગ્રી તાપમાન નોંધાયું હતું. પરંતુ આગામી બે દિવસમાં સામાન્ય તાપમાનમાં ઘટાડો આવી શકે છે અને ત્યારે તાપમાન 7 ડિગ્રી સુધી પહોંચી શકે છે. 

છેલ્લા બે દિવસમાં ઉત્તર ગુજરાત સહિત અમદાવાદમાં કમોસમી વરસાદ પડ્યો હોવાનું નોંધાયું છે. જે આગામી બે દિવસના તાપમાન પર અસર કરશે.