ન્યૂયર પાર્ટીમાં જોવા મળશે રેટ્રો થીમ

૭૦ના દાયકામાં લોકો જેવો લુક ધરાવતા કપડાં પહેરતા હતા. કેવી સ્ટાઇલ અપનાવતા હતા. તે સમયમાં કેવી ફિલ્મો બનતી હતી અને કેવા પ્રકારના ગીતો બનતા હતા. તે તમામ વસ્તુનું કોમ્બિનેશન આ વખતે ન્યૂયરની થીમમાં જોવા મળશે. આ વખતે ન્યૂયર પાર્ટીમાં પણ વિવિધ હોટેલો અને અન્ય જગ્યાઓએ રેટ્રો થીમ આધારિત પાર્ટીનું આયોજન કરવામાં આવ્યું છે. શહેરની એક જાણીતી હોટેલના ઓર્ગેનાઇઝર અબરાર કાદરીએ જણાવ્યું કે, લેટેસ્ટ ટ્રેન્ડ પ્રમાણે અમારે પાર્ટીની થીમ રાખવી હતી. તેના માટે અમે આ વખતે રેટ્રો નાઇટ્સનું આયોજન કર્યું છે. જેમાં ખાસ બોમ્બેની ઇવેન્ટ કંપની દ્વારા ડેકોરેશન કરવામાં આવશે. જેને ૭૦ના દાયકાની ફેશનને રીલેટેડ તૈયાર કરવામાં આવશે. આ સિવાય બોમ્બેના ડી.જે ૭૦ના દાયકાની હિટ ફિલ્મોના ફિલ્મોના ગીતો વગાડશે. અન્ય એક હોટેલના ઓર્ગેનાઇઝર વિશાલે જણાવ્યું કે, આ વખતે એકશન રિપ્લે ફિલ્મની અસર યંગસ્ટર્સના માનસપટ પર વધારે જોવા મળે છે. તેના કારણે અમે આ વખતે ૭૦ના ટ્રેન્ડ આધારિત થીમ રાખી છે.