મૂછો હોય તો નથ્થુલાલ જેવી!

70 વર્ષીય રામનાથ ચૌધરીની મૂછો 10 ફૂટ લાંબી છે

આ ફિલ્મી ડાયલોગ સાંભળીને એક મિનિટ માટે તમારા ચહેરા પર પણ સ્મિત છલકાઈ જશે. આ ડાયલોગ શિલ્પગ્રામ મહોત્સવમાં સૌ કોઈ બોલી ઉઠે છે, જ્યારે તેઓ જયપુરના રામનાથ ચૌધરીને જુએ છે.

ચાકસૂ તાલુકાના બાડાપદમપુરા ગામથી શિલ્પગ્રામમાં આવેલા 70 વર્ષીય રામનાથ ચૌધરીની મૂછો 10 ફૂટ લાંબી છે. તેઓ પાછલા 40 વર્ષથી પોતાની મૂછો વધારી રહ્યા છે.

રામનાથ ચૌધરી કચ્ચી ઘોડી નૃત્યમાં વપરાતુ વાદ્ય અલગોજા વગાડવામાં માહેર છે. તેઓ આ વાદ્ય ખાસ અંદાજમાં નાકમાંથી વગાડે છે. પોતાની મોટી મૂછો અને અલગાજા વગાડવાની ખાસ્યતના કારણે રામનાથ અમેરિકા તેમજ દુબઈ સિવાય પણ કેટલાંય દેશોમાં ફરી ચૂક્યા છે.