કામ મેઈન્ટેઈન કરો, ટેન્શનને દૂર રાખતા શીખો

ભાગ્યે જ કોઇ એવું હશે જેને ચિંતા ન સતાવતી હોય. આ સ્ટ્રેસની માત્રા જો થોડી હોય ત્યાં સુધી તો કોઈ વાંધો નથી, પરંતુ સમસ્યા ત્યારે જ સર્જાય છે જ્યારે સ્ટ્રેસ લાંબા સમય સુધી રહે છે. ત્યારબાદ અન્ય સમસ્યાઓ પણ વીંટળાઈ જાય છે. રોજના ભાગદોડભયાઁ જીવનમાં સ્ટ્રેસને કંટ્રોલ કઈ રીતે કરવો તે વિશે જાણીએ.

-ઓછો જીઆઇ ફૂડ લો: મગજને યોગ્ય રીતે કામ કરવા માટે ગ્લૂકોઝના યોગ્ય પ્રમાણની જરૂરિયાત પડે છે. આ જ કારણોસર બ્લડસુગરમાં આવતાં ફેરફારની સીધી અસર વ્યક્તિના મૂડ પર થાય છે. આ વિચારીને એવા ખાદ્ય પદાથો આરોગવા જોઇએ કે, જેનો જીઆઇ એટલે, ગ્લાયસિમિક ઈન્ડેકસ ઓછો હોય. આ માટે બ્રાઉન રાઇસ, ગાજર, કેળા અને મલ્ટગિ્રેઈન બ્રેડ ખાઇ શકો છો.

-વિટામિન બીની માત્રા વધારો : શરીરનું તંત્ર સ્વસ્થ રાખવા માટે વિટામિન બીનું યોગ્ય પ્રમાણ જાળવવું જરૂરી છે. વિટામિન બી ટ્રિપ્ટોફેન નામના એમિનો એસિડની માત્રા નિયંત્રણમાં રાખે છે. ટ્રિપ્ટોફેન સેરોટોનિન નામનું રસાયણ બનાવે છે. જે મૂડને હળવો રાખે છે. આ માટે ઈંડા, પાંદડાવાળા શાકભાજી, સૂકોમેવો વગેરેનું સેવન કરી શકો છો.

-પાણી વધુ પીવો: મગજની પાસેથી વ્યવસ્થિત રીતે કામ લેવા માટે પૂરતાં પ્રમાણમાં પાણીની જરૂર રહે છે. થોડાં-ઘણાં પાણીની ઉણપ પણ માનસિક સુખ શાંતિ હણી શકે છે. 

-સ્ટ્રેસ ડાયરી બનાવો: થોડા અઠવાડિયા સુધી સ્ટ્રેસ આપનારી વિવિધ પરિસ્થિતિ વિશે એક ડાયરી મેઇન્ટેન કરો. એકવાર તેની ઓળખ થઇ જશે પછી લડવામાં કોઈ મુશ્કેલી નહીં થાય. ઓફિસ જતી વખતે ડ્રાઈવિંગ કરતી વખતે પણ ઘણો તણાવ રહેલો હોય છે. આથી ઘરેથી થોડાં વહેલાં નીકળો કે પછી કાર પૂલિંગ સિસ્ટમ મુજબ કોઇની સાથે કાર શેર કરીને પોતે ડ્રાઈવિંગથી બચી શકે છે.