US: મે ૨૦૧૨ વીઝા અંગેની આ માહિતી વાંચી કે નહીં?

મે ૨૦૧૨ માસ દરમિયાન વીઝા અંગેની સંપૂર્ણ માહિતી અમે અમારા વાચક વર્ગ માટે નીચે મુજબ પ્રસિદ્ધ કરી છે. જેનાથી કઇ કેટેગરી કેટલા અઠવાડિયા આગળ વધી તે સહેલાઇથી જાણી શકાશે. કૌટુંબિક આધારીત ૧લી અને ૨૨એ કેટેગરી ચાર અને પાંચ અઠવાડિયા ચાલુ માસ દરમિયાન આગળ વધેલ છે. આ વિભાગની બીજી અને ત્રીજી કેટેગરી ચાલુ માસ દરમિયાન અનુક્રમે પાંચ અને ત્રણ અઠવાડિયા આગળ વધેલ છે. 

-કૌટુંબિક આધારીત તમામ કેટેગરી ત્રણથી પાંચ અઠવાડિયા આગળ વધી -ઇ-૨ કેટેગરી અચાનક સળંગ ૧૩૮ અઠવાડિયા પાછળ ધકેલાઇ

ચોથી કેટેગરી કે જેમાં અમેરિકન નાગરિકત્વ ધરાવનાર વ્યક્તિના પુખ્ત વયના ભાઇઓ તથા બહેનોને સમાવેશ થાય તે ચાલુ માસ દરમિયાન ફકત ત્રણ અઠવાડિયા આગળ વધેલ છે. ચાલુ માસ દરમિયાન આ વિભાગની તમામ કેટેગરી અમુક અઠવાડિયા આગળ વધવા પામી હોવાથી જે અરજદારો પોતાના કુટુંબના સભ્યો માટે પીટીશન ફાઇલ કરી છે તેઓમાં રાહતની લાગણી ફેલાઇ છે. ચાલુ માસ દરમિયાન રોજગાર આધારીત ઇ-૨ કેટેગરી અચાનક સળંગ ૧૩૮ અઠવાડિયા પાછળ ધકેલાઇ જવા પામી છે. 

ગયા માસ દરમિયાન આ કેટેગરી એક પણ અઠવાડિયું આગળ વધી ન હતી. ચાલુ માસ દરમિયાન ઇ-૩ કેટેગરી એક અઠવાડિયું આગળ વધેલ છે જ્યારે બીજા અન્ય કામદારોની કેટેગરી પણ એક અઠવાડિયું આગળ વધેલ છે. આ વિભાગની બાકીની તમામ કેટેગરીમાં વર્તમાન સમય ચાલુ હોવાથી જો કોઇપણ ઉમેદવાર અમેરિકા આવવા ઇચ્છતો હોય અને તે વીઝા માટે અરજી કરે તો તેને સહેલાઇથી વીઝા મળવાની શક્યતાઓ રહેલ છે. પરંતુ અરજદારે ઇમિગ્રેશન ખાતરના હાલના જે કાયદાઓ છે તેનું ચુસ્તપણે પાલન કરવાનું રહેશે એન તેમ ન કરનારને કદાચ વીઝા ન પણ મળી શકે. આ અંગે કાયદાના નિષ્ણાતોની સલાહ લેવી યોગ્ય થઇ પડશે.