પાપડ રોલ્સ

 

સામગ્રી

મોટા પાપડ - ૪ નંગ

બટાકાં - ૨૫૦ ગ્રામ

બારીક સમારેલી કોથમીર - ૨ ચમચા

સમારેલાં લીલાં મરચાં - ૩-૪ નંગ

બારીક સમારેલું આદું - નાનો ટુકડો

મીઠું - સ્વાદ મુજબ

મરચું - ૧ ચમચી

આમચૂર - અડધી ચમચી

ગરમ મસાલો - અડધી ચમચી

તેલ - જરૂર પ્રમાણે

રીત

દરેક પાપડના બે ભાગ કરો. બટાકાંને બાફીને છોલી લો. તેમાં સમારેલી કોથમીર, લીલા મરચાં અને બધો મસાલો મિક્સ કરો. આ મિશ્રણના આઠ એક્સરખા ભાગ કરી તેને સહેજ લંબગોળ આકાર આપો. હવે એક થાળીમાં પાણી લઇ તેમાં પાપડના ટુકડાને બોળીને તરત જ કાઢી લો. આ પલળેલા પાપડને પ્લેટમાં ગોઠવી તેમાં બટાકાંનું મિશ્રણ મૂકી રોલ વાળી દો. બંને બાજુએથી કિનારીને બરાબર બંધ કરો. જરૂર લાગે તો થોડું પાણી લગાવો જેથી પાપડ ચોંટી જાય.

આ રીતે બધા રોલ તૈયાર કરી તેલ ગરમ કરી તળી લો. લાલ ન થઇ જાય તેનું ધ્યાન રાખવું. તૈયાર થયેલા પાપડ રોલ્સને સોસ કે લીલી ચટણી સાથે ખાવ.