સ્પાયસી 'પ્યાજ કચોરી'

6 વ્યક્તિઓ માટે બનાવો 'પ્યાજ કચોરી'

સામગ્રી:

2 કપ મેદો

1/2 ટી સ્પુન મીઠું

1/4 કપ ઘી (ગરમ)

પૂરણ માટે :

2 કપ જીણી સમારેલી ડુંગળી

2 ટે. સ્પૂન બેસન

2 ટી. સ્પૂન ધાણાજીરુ પાઉડર

2 ટીસ્પૂન વરિયાળી

2 તમાલ પત્ર

3 ટે. સ્પૂન જીણી સમારેલી કોથમીર

1/2 ટી સ્પૂન જીણી સમારેલું લીલુ મરચું

2 ટી સ્પૂન લાલ મરચા પાઉડર

1 ટી સ્પૂન ગરમ મસાલો

2 ટે. સ્પૂન તેલ

મીઠું સ્વાદ અનુસાર

તળવા માટે તેલ

રીત:

-મેદામાં મીઠું અને ગરમ ઘી નાખી મુલાયમ કણક બાંધો.

-આ કણકના એક સરખા 12 જેટલાં લુઆ બનાવી લો.

-પૂરણ તૈયાર કરવા એક પેનમાં થોડુ તેલ ગરમ કરો, તેમાં વરિયાળી, તમાલ પત્ર, કલૌંજી, લીલુ મરચું અને ડુંગળી

નાખી બ્રાઉન થાય ત્યાં સુધી સાંતળો

-તેમાં બેસન, ધાણાજીરુ પાઉડર, લાલ મરચું, ગરમ મસાલો અને મીઠુ ઉમેરી 2-3 મિનીટ સુધી સાંતળો

-આ પુરણમાં કોથમીર ઉમેરી તેમાંથી તમાલ પત્ર કાઢી નાખો. તેને થોડું ઠંડુ પડવા દો

-કચોરી બનાવા મેદાના પ્રત્યેક લુવાને 2 ઈંચ જેટલાં મોટા ગોળાકારમાં વણો

-તેમાં પુરણનું મિશ્રણ ભરો અને તેને વ્યવસ્થિત રીતે બંધ કરી અંગુઠાથી દબાવો

-ધ્યાન રાખો મિશ્રણ બહાર ન આવે કે લુવો ફાટી ન જાય

-આ રીતે બધી જ કચોરીઓ ભરી લો

-એક કઢાઈમાં તેલ ઉમેરી તેને ધીમા તાપે ડીપ ફ્રાય કરો,

-તેને તળાતા ઘણો સમય લાગે છે

-આ ગરમ ગરમ કચોરીને તમે ટોમેટો સોસ અને લીલી ચટની સાથે સર્વ કરી શકો