અજીબ કિસ્સો:પત્ની સાથે સંબંધ બાંધવા મિત્રને ઘરે બોલાવતો પતિ

- આ સિલસિલો છેલ્લા ત્રણ વર્ષથી ચાલતો હતો : આખરે કંટાળેલી પત્નીએ બળાત્કારની ફરિયાદ નોંધાવતા ચકચાર

ખંભાળિયામાં રહેતી લુહાર પરિણિતા પર તેના જ પતિની મદદથી અન્ય શખ્સે બળાત્કાર ગુજાર્યાનો બનાવ પ્રકાશમાં આવતાં ચકચાર મચી ગઇ છે. ત્રણ વર્ષ પૂર્વે આચરવામાં આવેલા બળાત્કાર બાદ તાજેતરમાં બે માસ પૂર્વે નરાધમે તેણીના પતિની મદદગારીથી બળાત્કાર આચર્યો હોવાનું જાણવા મળ્યું છે. 

ખંભાળિયા સહિત જિલ્લાભરમાં ચકચારી બનેલા બનાવની વિગત મુજબ ખંભાળિયામાં રહેતી અસ્મિતાબેન રાજેશ રવજી મકવાણા (ઉ.વ.૩૫) નામની મહિલાએ આજે સ્થાનિક પોલીસ દફતરમાં આરોપી રવિ ચીમન મકવાણા સામે બળાત્કાર અને આ પ્રકરણમાં મદદગારી કરવા સબબ તેના જ પતિ રાજેશ રવજી સામે ફરિયાદ નોંધાવી હતી. મુળ કેશોદની પરિણિતાના પ્રથમ લગ્ન માંગરોળ ખાતે થયા હતાં. 

જેમાં ૧૫ વર્ષના લગ્નગાળા બાદ તેણીના છુટાછેડા થઇ જતાં વર્ષ-૨૦૦૭માં ખંભાળિયાના રાજેશ સાથે તેણીએ પુન: લગ્ન કર્યા હતાં. દરમિયાન વર્ષ-૨૦૦૯માં એક દિવસ તેનો પતિ તેના આરોપી મિત્ર રવિ મકવાણાને ઘરે લઇ આવ્યો હતો અને પિત્નને રવિ સાથે શારીરિક સંબંધ બાંધવા દબાણ કર્યું હતું. તેણીએ ઇન્કાર કરતાં પતિએ માર મારી ધમકી આપી મિત્રને પત્ની સાથે શરીર સંબંધ બંધાવ્યો હતો. 

આ સીલસીલો ત્રણ વખત ચાલતા તેણી માવતરે ચાલી ગઇ હતી. જો કે, થોડા સમય બાદ આરોપી પતિ સમાધાન કરી તેણીને પરત તેડી લાવ્યો હતો. થોડો સમય પતિએ પોતાના સ્વભાવને કાબુમાં રાખ્યા બાદ ગત તા.૧૪-૪ના રોજ પોતાના સંતાનો પિકચર જોવા ગયા બાદ રાજેશ તેના મિત્ર રવિને પુન: ઘરે લઇ આવ્યો હતો અને રવિએ તેણી પર પુન: બળાત્કાર ગુજાર્યો હતો. આ બનાવથી તેણીને માનસિક આઘાત લાગતાં પિયર ચાલી ગઇ હતી. ગઇકાલે પરત ખંભાળિયા આવેલી તેણીએ આ બનાવની વિગતવાર ફરિયાદ નોંધાવતા પીએસઆઇ કે.પી. પરમાર સહિતના સ્ટાફે આરોપીઓને પકડી પાડવા શોધખોળ હાથ ધરી છે. 

- આરોપી પતિએ સ્ટેમ્પ પેપર પર લખાણ કરી આપ્યું હતું

પત્નીને મિત્ર સાથે ધરાર શારીરિક સંબંધો બાંધવા મજબુર કરનાર પતિના કરતૂતોથી પત્ની પિયર ચાલી ગઇ હતી. ત્યારબાદ પતિએ ૧૦૦ રૂપિયાના સ્ટેમ્પ પર સોગંદનામુ કરાવી હવે પછી આવું કૃત્ય નહીં કરવાની બાંહેધરી આપી હતી. છતાં પણ પતિએ આ ઘટનાને દોહરાવતા પિત્નએ ફરિયાદ નોંધાવી હતી.