કિચન ટિપ્સ

પાલકના સૂપમાં એક ચમચી દૂધ અને મલાઇ મેળવવાથી સૂપ વધારે સ્વાદિષ્ટ લાગશે.
કેરીના અથાણાંમાંથી વધેલો મસાલો લીલાં મરચામાં ભરી દો. એ મરચાંનું અથાણું સ્વાદિષ્ટ બનશે.
કચોરીને તળતાં પહેલાં જો તેમાં સોય વડે એક-બે કાણાં પાડી દેવામાં આવે તો કચોરી તૂટશે નહીં.
બ્રેડરોલ બનાવતી વખતે બ્રેડની કિનારીઓને કાપી લઇને તળી લો અને બ્રેડ રોલમાં ભરવામાં આવતા મસાલામાં મિકસ કરી લો. રોલ ક્રિસ્પી બનશે.
લીંબુનું અથાણું બગડતું હોય એવું લાગે તો તેમાં થોડી ખાંડ નાખવાથી અથાણું બગડશે નહીં.
ભાત બનાવતાં પહેલાં ચોખાને મીઠાનાં પાણીમાં પલાળી રાખો. ભાત છૂટ્ટો અને સ્વાદિષ્ટ બનશે.
ડુંગળી ઝડપથી સાંતળવા માટે તેલમાં ડુંગળી નાખીને તેમાં થોડી ખાંડ નાખવાથી તે ઝડપથી ચડી જશે.
કાચી કેરી પર થોડું તેલ અને મીઠું લગાવી પછી તેને ફ્રીજમાં લાંબો સમય સુધી સાચવી શકો છો.