આ શું? ભારતીય પ્રજા દુનિયાની સૌથી હતાશ પ્રજા

 

-વિક્સિત દેશો કરતાં વિકાસશિલ દેશોમાં ડિપ્રેશનથી પિડાતી પ્રજાની સંખ્યા વધુ

ભારતીયો દુનિયાની સૌથી વધુ હતાશ પ્રજા છે. આશરે 36 ટકા ભારતીયોમાં હતાશાના લક્ષણોમાંની મેજર ડિપ્રેસિવ એપિસોડ (એમડીઈ) બીમારી જોવા મળી હતી. WHO (હુ)ના સર્વે પ્રમાણે નેધરલેન્ડ, ફ્રાન્સ જેવા સમૃદ્ધ રાષ્ટ્રો કરતાં ગરીબ રાષ્ટ્રોમાં રહેતા લોકો વધુ પ્રમાણમાં સુખી છે.

નેધરલેન્ડ 33.6 ટકા એમડીઈના કેસો સાથે બીજા ક્રમે હતું જ્યારે ફ્રાન્સ અને અમેરિકા અનુક્રમે ત્રીજા ચોથા ક્રમે હતા.

ફ્રાન્સમાં એમડીઈના 32.3 ટકા જ્યારે અમેરિકામાં 30.9 ટકા કેસો નોંધાયા હતાં ભારતમાં અંદાજે 9 ટકા લોકો આજીવન હતાશાથી પિડાય છે. અને 36 ટકા લોકો એમડીઈથી પીડાય છે.

ભારતમાં હતાશા સરેરાશ વય 31.9 વર્ષ છે જ્યારે ચનમાં આ ઉંમર 18.8 અને અમેરિકામાં 22.9 વર્ષ છે.

બીએમસી મેડિકલ જર્નલમાં પ્કાશિત અભ્યાસ વિવિધ દેશોમાં 89000થી વધુ લોકોની મુલાકાત પરથી કરવામાં આવ્યો હતો.

આ અભ્યાસ પ્રમાણે ભારતમાં દરેક સાતમાંથી એક વ્યક્તિ આજીવન હતાશાથી પિડાય છે. જ્યારે વિક્સિત દેશોમાં આ આંકડો દર નવમાંથી એક વ્યક્તિનો છે.

મેજર ડિપ્રેસિવ એપીસોડની બીમારીમાં ચિંતા, ઉત્સાહ કે ઉંમગનો અભાવ, ગુનાહિતપણાની લાગણી, આત્મવિશ્વાસની કમી, આરોગ્યમાં ખામી,બેધ્યાનપણું, હતાશા અને અનિદ્રા જવાબદાર છે.