ગુજરાતમાં દૂધના ભાવ વધ્યા પણ દિલ્હી-એનસીઆરમાં નહીં વધે

 

નવી દિલ્હી. દિલ્હી અને એનસીઆરના લોકો માટે સારા સમાચાર છે. મધર ડેરી, અમુલ અને પારસ જેવી દૂધ ઉત્પાદક કંપનીઓએ કહ્યું કે અત્યારે દુધની કિંમતોને વધારવાની કોઈ યોજના નથી. ઉલ્લેખનીય છે કે અમૂલ દૂધની માર્કેટિંગ કરનારી કંપની ગુજરાત કૉઓપરેટિવ મિલ્ક માર્કેટિંગ ફેડરેશને સોમવારે ગુજરાતમાં દૂધની કિંમતોમાં વધારો કરી દીધો છે.

ત્યારબાદ દિલ્હી અને એનસીઆરમાં પણ અમૂલ બ્રાન્ડ દૂધની કિંમતો વધારવાની આશંકાઓ વ્યક્ત કરવામાં આવી રહીં હતી. ગુજરાતના આણંદમાં સ્થિત કંપનીના સંચાલકિય નિર્દેશક એસ. સોઢીએ જણાવ્યુ કે સોમવારે ગુજરાતમાં અમૂલ ગોલ્ડ, શક્તિ અને ટી સ્પેશિયલની કિંમતોમાં 2 રૂપિયા પ્રતિ લીટરનો વધારો કરવામાં આવ્યો છે, જ્યારે સ્લિમ એન્ડ ટ્રિમ તેમજ તાજાની કિંમતોમાં 1 રૂપિયો પ્રતિ લીટરનો વધારો કરવામાં આવ્યો છે.

તેઓએ જણાવ્યુ કે મુંબઈમાં પણ અમૂલ ગોલ્ડ અને તાજાની કિંમતો 10 જુલાઈથી ક્રમશઃ 2 અને 1 રૂપિયા પ્રતિ લીટરનો વધારો કરવામાં આવ્યો છે. સોઢીએ કહ્યું કે અત્યારે દિલ્હી અને એનસીઆરમાં દૂધની કિંમતો વધારવાની કોઈ યોજના નથી.

બીજી બાજુ દિલ્હી અને એનસીઆરમાં સૌથી વધારે દૂધ વેચનારી કંપની મધર ડેરી અને પારસ દૂધ વેચનારી કંપનીએ પણ રાજધાની ક્ષેત્રણાં દૂધની કિંમતોમાં તાત્કાલિક વધારો કરવાથી ઇનકાર કર્યો છે. ઉલ્લેખનીય છે કે આ અગાઉ પહેલી મે મહીનામાં ત્રણેય પ્રમુખ દૂધ વિતરણ કંપનીઓએ ફુલ ક્રીમ, ટોન્ડ અને ડબલ ટોન્ડ દૂધમાં બે રૂપિયા પ્રિત લીટરનો વધારો કર્યો હતો.

મધર ડેરીના પ્રવક્તાએ કહ્યું કે અત્યારે દિલ્હી એનસીઆર અથવા ભારતના કોઈ પણ ક્ષેત્રમાં દુધની કિંમતો વધારવાની કોઈ યોજના નથી. પારસ કંપનીના ઑપરેશન વિભાગના ડાયરેક્ટર નરેન્દ્ર નાગરે પણ નજીકના ભવિષ્યમાં કિંમતો વધારવાથી ઇનકાર કર્યો છે. નાગરે કહ્યુ કે જોકે ડીઝલની કિંમતો અને અન્ય કારણોસર અમને થોડી સમસ્યાઓ નડી રહીં છે, પરંતુ ગ્રાહકોની ભલાઈ માટે અમે અત્યારે કોઈ વધારો નથી કરી રહ્યા.