ફરી વર્ષો પછી જીવતી થઈ એક સબમરીન, તસવીરો!

આ યુ બોટ બનાવનારો ઈંગ્લેન્ડનો એક શાંત શહેરી છે આ બોટ એટલા માટે બનાવવામાં આવી છે, જેથી નાઝીઓના હુમલાવાળા સમુદ્રી દુઃસ્વપ્નની યાદ તાજી થઈ શકે
બીજા વિશ્વયુદ્ધ દરમિયાન હિટલરની નૌસેનામાં સામેલ યુબોટે નાઝીઓને સમુદ્રમાં લડાઈ કરવામાં મદદ કરી હતી. આ વખતે ફરી એક યુ બોટ બની છે, પરંતુ તેને બનાવનારો ઈંગ્લેન્ડનો એક શાંત શહેરી છે, જેનો ઉદ્દેશ્ય કંઇક અલગ કરવાનો છે.

લંકશાયરના બુર્સકોફની એક નદીમાં ચાલતી આ સબમરીન લોકોને બીજા વિશ્વયુદ્ધ અને નાઝીઓના આક્રમણની યાદ અપાવે છે. આ યુ બોટ-8047 જર્મન સબમરીનની નકલ છે. રિચર્ડ વિલિયમ્સે આશરે 50 હજાર પાઉન્ડના ખર્ચે તે બનાવી છે. આ બોટ એટલા માટે બનાવવામાં આવી છે, જેથી નાઝીઓના હુમલાવાળા સમુદ્રી દુઃસ્વપ્નની યાદ તાજી થઈ શકે. જો કે તેમની વેશભૂષા જોઇને લોકો તેમને નાઝી કહીને બોલાવવા લાગ્યા છે.

તેમની બોટના કેટલાક હિસ્સાની ચોરીનો પ્રયાસ પણ થયો હતો, પરંતુ વિલિયમ્સનું કહેવુ છે કે તે એક શાંત શહેરી છે અને શાંત નદીમાં આ નાવ ચલાવે છે. તેમનો હેતુ એ જણાવવાનો છે કે તે સમય કેવો રહ્યો હશે અને તે સબમરીન અંદર બહારથી કેવી દેખાતી હશે?

બીજા વિશ્વયુદ્ધ દરમિયાન જર્મન તાનાશાહ હિટલરની નૌસેના કિંગ્સમરીને યુ બોટ સબમરીનો બનાવી હતી. કેટલાય આકાર પ્રકારવાળી આ સબમરીનોમાં હથિયાર રાખવાની જગ્યા હતી અને તેમાંથી કેટલાય જાપાન અને અમેરિકાના તટો સુધી પાણીની અંદર જઈ શકે છે.

*