ચહેરાની રંગત-રોનક વધારો, હરતાં-ફરતાં....આ સરળ ટિપ્સથી

માણસનાં શરીરમાં તેનો ચહેરો સૌથી વધારે પ્રભાવશાળી હોય છે,કારણ કે વ્યક્તિત્વનાં બીજા ગુણોની ઓળખ પછી થાય છે.ફસ્ટૅ ઇમ્પ્રેશન તો ચહેરાની રંગત અને હાવભાવથી જ પડે છે.
તમારા ચહેરાને પ્રભાવશાળી બનાવવાં ત્વચાની ચમક સૌથી વધારે જરૂરી છે.આવો, જાણો આ સરળ ઉપાયોથી ત્વચાની ચમકને કેવી રીતે પાછી લાવી શકાય અને કેવી રીતે તેને લાંબા સમય સુધી કેવી રીતે ટકાવી શકાય.

1 –
ચહેરા પર કુદરતી ચમક લાવવા માટે શુદ્ધ પ્રાકૃતિક કુંવારપાઠુ એટલે કે એલોવિરાનું જ્યુસ હથેળીઓ પર લઇને ચહેરા પર મસાજ કરીને લગાડો અને સુકાઇ જવાં પર ચહેરા પર સાફ નવશેકા પાણીથી ધોઇ લો.7 દિવસની અંદર તમે તમારા ચહેરાનાં બદલાવને જોઇ દંગ રહી જશો.

એક અન્ય પ્રયોગમાં બે ચમચી બેસન,હળદર,ગુલાબ જળ અને મધ મેળવીને લેપ લગાડો.આ ચહેરો,હાથ-પગ અને ગરદન પર લગાડો અને 10 મિનિટ પછી ધોઇ લો.તેનાથી ત્વચાની રંગત નિખરી જશે.

2-

કાચા દુધમાં હળદર લગાડીને તેની પેસ્ટ બનાવો.તેને ચહેરા અને હાથ-પગ પર લગાડો.10 મિનિટ બાદ તેને ધોઇ લો.ત્વચા નિખરી જશે.

3-

હોઠને સુંદર અને મુલાયમ બનાવવા માટે રાતે સુતા સમયે દુધની મલાઇ લગાડો, સવારે ઠંડા પાણીથી ધોઇ લો.


4 –

આંખોમાં બળતરા અને કાળાં કુંડાળાને ઓછાં કરવા માટે રાતે સુતા સમયે આંખો પર ઠંડા દુધમાં પલાળીને રાખેલું રૂંને આંખોની પર રાખો.

5.
8- 10 દિવસમાં ચહેરાને એકવાર સ્ટીમ (વરાળ) ચોકક્સ આપો.આ પાણીમાં ફુદીનો,તુલસીનાં પત્તાં,લીંબુનો રસ અને મીઠું નાખો.વરાળ લીધા આ નવશેકા પાણીમાં 5 મિનિટ માટે હાથને અવશ્ય રાખો. આનાથી હાથની ત્વચા નિખરી જશે.