મિક્સ મટર-મલાઇ

 

4 વ્યક્તિઓ માટે બનાવો મિક્સ મટર-મલાઈ

સામગ્રી
1/2 કપ લીલા વટાણા
300 ગ્રામ પનીર
1 1/2 કપ મખાના
1/2 કપ મલાઇ
1/2 ટમેટાંની પ્યોરિ
2 નંગ ડુંગળી
1/2 ટેબલ સ્પૂન મેંદો
1 ટેબલ સ્પૂન આદું-લસણ-મરચાંની પેસ્ટ
મીઠું - સ્વાદ અનુસાર
1/4 ટી સ્પૂન હળદર
1 1/2 ટી સ્પૂન ધાણા પાઉડર
1/2 ટી સ્પૂન મરચું
તેલ જરૂર પ્રમાણે

રીત
-વટાણા બાફી લો. મખાનાને અધકચરા તળી મિક્સરમાં ક્રશ કરી લો.
-ટમેટાંની પ્યોરિમાં બધો મસાલો અને મીઠું ભેળવો.
-ડુંગળીને બારીક સમારો અને પનીરના પણ નાના ટુકડા કરો.
-હવે તેલ ગરમ કરી તેમાં ડુંગળીને બદામી રંગની સાંતળો.
-આદુંની પેસ્ટ અને મેંદો નાખીને સાંતળો પછી મલાઇ નાખીને ખૂબ હલાવો.
-જ્યારે મલાઇનું ઘી છુટું પડે ત્યારે તેમાં ક્રશ કરેલા મખાના મિક્સ કરો.
-તેમાંથી સુગંધ આવે એટલે ટમેટાંની પ્યોરિ ઉમેરી ખદખદવા દો.
-પનીર નાખી ઉભરા આવે એટલે બાકીના મખાનાથી સજાવી સબજી સર્વ કરો