સોશિયલ નેટવર્કિંગના નશામાં ચુર થઈ ગઈ છે આજની યુવા પેઢી!

 

 

-ઈન્ટરનેટના યુસેઝ વગર એક દિવસ પણ નથી રહીં શકતી આજની પેઢી

ઈન્ટરનેટ યુવાઓની પહેલી પસંદ છે પણ આજનાં સમયમાં ઈન્ટરનેટ કોઈ નશાની લતથી કમ નથી. ઈન્ટરનેટથી દૂર રહેનારા નેટ પ્રેમીઓ આજકાલ પોતાને એકલા અટુલા અનુભવે છે એટલું જ નહીં તેઓ ખોવાયેલા રહે છે.

ઈન્ટરનેટ પ્રેમીઓને તેમનાં સોશિયલ અકાઉન્ટથી ઓફલાઈન થવાને સિગરેટ કે શરાબની લત છોડવા કરતાં પણ વધુ મુશ્કેલ લાગે છે.

આ સર્વેમાં જણાવાં મળ્યું હતું કે ઈન્ટરનેટ, સ્માર્ટ ફોન અને અન્ય ટેક્નોલોજી બાબતે પુછવામાં આવેલા અલગ અલગ પ્રશ્નોના જવાબમાં યંગસ્ટર્સે જણાવ્યું હતું કે તેઓને તેમનાં સોશિયલ અકાઉન્ટમાં ઓફલાઈન થવું જરાં પણ પસંદ નથી. તેમને તેની સાથે જોડાયેલા રહેવું ગમે છે.

સર્વેમાં જાણવા મળ્યું છે કે 53 ટકા લોકો ઈન્ટરનેટથી દુર રહેવા પર પરેશાન રહે છે પોતાને એકલવાયા અનુભવે છે. જ્યારે 40 ટકા લોકોએ જણાવ્યું હતું કે તેઓ દિવસમાં ઓછામાં ઓછું પાંચ વખત તેમની પ્રોફાઈલ ચેક કરે છે. તેઓ તેમનાં પસંદિદા વ્યક્તિની પ્રોફાઈલ પણ દિવસમાં 5 વખત ચેક કરે છે.