i phone-4ને ટક્કર આપતા આ ફોન માટે દુનિયાભરમાં પડાપડી

જી હાં, આ શાનદાર સ્માર્ટફોનને ખરીદવા માટે દુનિયાભરમાં અફડાતફડી જામી છે અને તેના વેચાણનો પણ એક રેકૉર્ડ બની ગયો છે.

આ મોબાઇલ ફોન છે દક્ષિણ કોરિયાની ઇલેક્ટ્રૉનિક કંપની સેમસંગનો ગેલેક્સી એસ-2 અને તેના વેચાણે 50 લાખ યૂનિટનો આંકડો પાર કરી લીધો છે. સેમસંગ મોબાઇલ ફોન બનાવનારી દુનિયાની બીજી સૌથી મોટી કંપની છે.

તેણે આ સ્માર્ટફોન એપ્રિલમાં બજારમાં ઉતાર્યો હતો અને ત્યારથી લઈને આજ સુધી તેણે વેચાણના તમામ રેકૉર્ડ તોડી પાડ્યા છે.

હવે તેનુ નવુ વર્ઝન ઉતારવામાં આવી રહ્યું છે, જે સૌથી પહેલા ચીનમાં વેચાણ માટે ઉતારવામાં આવશે, અને પછી અમેરિકા. આ મોબાઇલ ફોન એપ્પલના આઈફોન-4ને જબર્દસ્ત ટક્કર આપી રહ્યો છે.

સેમસંગના મોબાઇલ કમ્યુનિકેશન્સ બિઝનેસ હેડ જે કે શિને જણાવ્યુ કે ગેલેક્સી લૉન્ચ થવાની સાથે જ હિટ થઈ ગયો છે અને તેને જબર્દસ્ત સફળતા પ્રાપ્ત કરી લીધી છે. આ મોબાઇલ ફોન ગુગલના એન્ડ્રોયેડ સિસ્ટમ ઉપર આધારિત છે અને કંપનીની ઇચ્છા તેના એક કરોડ યૂનિટ (મોબાઇલ) વેચવાની છે.