લાખો લોકોએ એક ઝાટકે જોઈ લીધી આ રહસ્યમયી ઘટના

 

બ્રાઝિલના સાઓ પાઉલોમાં ઘટેલી એક સનસનીખેજ ઘટનાએ આખી દુનિયાનું ધ્યાન પોતાના તરફ ખેંચ્યું છે. જી હા, એક અહેવાલ પ્રમાણે બ્રાઝિલના શહેર સાઓ પાઉલોમાં લોકો દ્વારા કેટલાય યુએફઓ (અનઆઈડેન્ટિફાઈડ ફ્લાઈંગ ઓબજેક્ટ) જોવા મળ્યા હતા. જોકે, અત્યારસુધી કોઈપણ સરકારી વિભાગે આ ઘટનાની સત્તાવાર જાહેરાત કરી નથી.

માનવામાં આવી રહ્યું છે કે આ યુએફઓ જેવી વસ્તુને જોઈને અહીં લાખો લોકો ભેગા થઈ ગયા હતા. આ ટોળામાંથી જ એક વ્યક્તિએ આખીય ઘટનાનો વીડિયો બનાવી લીધો હતો જેને પછીથી યૂ-ટ્યૂબ પર અપલોડ કર્યો હતો. જોકે, કેટલાક લોકોનું એમપણ કહેવુ છે કે આ કોઈ યુએફઓ નહીં પણ એક પતંગ હોઈ શકે છે જેના પર રોશનીનો ઉપયોગ કરાયો છે.

જોકે, ઈન્ટરનેટ પર આવેલા આ વીડિયોને ગણતરીના દિવસોમાં તો લાખો લોકોએ જોઈ લીધો છે અને તેનાથી તેની લોકપ્રિયતાનો અંદાજ લગાવી શકાય છે.