વેજીટેબલ બિરયાની

 

 

3 વ્યક્તિઓ માટે બનાવો વેજીટેબલ બિરયાની

સામગ્રી:

2 કપ બાસમતી રાઈસ,
1 કપ મિક્સ શાકભાજી (ફૂલગોબી, બટાટા, ગાજર, ફણસી)
150 ગ્રામ લીલા વટાણા
3 ડુંગળી ઝીણી સમારેલી
4 નંગ ટમેટા ઝીણા સમારેલા
4 લીલા મરચા ઝીણા સમારેલા
1 ટી સ્પૂન લાલ મરચાનો પાવડર
2 ટીસ્પૂન તજ અને શાહજીરુ
4 નંગ લવિંગ
1/2 ટીસ્પૂન કાળા મરીનો પાવડર
1/2 કપ દહીં
4 સ્પૂન વેજીટેબલ તેલ
1/2 ટીસ્પૂન રાઈના દાણા
3 ટેબલસ્પૂન ડ્રાય ફ્રૂટ્સ (કાજૂ-કિસમિસ)
મીઠું, સ્વાદ અનુસાર

રીત:
- સૌ પહેલા રાઈસ (ચોખા)ને બરાબર ધોઈ લો.
-3 1/2 કપ પાણી અને થોડા મીઠા સાથે પ્રેશર કુકરમાં બાફી લો. તેની સાથે 2 ટેબલસ્પૂન કાજૂ-કિસમિસ પણ ઉમેરો.
- બધા જ શાકભાજીને નાના ટુકડામાં સમારી દરેકને અલગ અલગ તેલમાં તળી લો. લીલા વટાણાને પણ શેકી લો.
- હવે રાઈના દાણા, લીલા મરચા, તજ, શાહજીરુ, લવિંગ, મરીનો પાવડર ઉમેરીને 1/2 મિનીટ સુધી સાંતળો
-પછી તેમાં ડુંગળી ઉમેરો. ડુંગળી લાઈટ બ્રાઉન રંગની થાય ત્યા સુધી સાંતળો.
- તેમાં મીઠું અને લાલ મરચાનો પાવડર ઉમેરીને બરાબર પકાવો. બાદમાં ઝીણા સમારેલા ટમેટા ઉમેરો.
- હવે તેમાં દહીં ઉમેરીને બરાબર હલાવો. 10 સેકન્ડ સુધી ગરમ કરો.
- બાદમાં તળેલા શાકભાજી ઉમેરો.
- હવે તેમાં બાફેલા રાઈસ ઉમેરો અને બરાબર મિક્સ કરો.
-તેને હળવા હાથે મિક્સ કરો જેથી ચોખાના દાણા ભાંગી ન જાય. 3 મિનીટ સુધી પકાવો.
- ડ્રાયફૂટ્સ અને કોથમિરથી ગાર્નિશ કરી વેજીટેબલ બિરયાની સર્વ કરો