મોત આવતાં પહેલાં વ્યક્તિને મળી જાય છે કંઇક આવાં સંકેત

 જીવનનું અટલ સત્ય છે મૃત્યુ. ભગવાન શ્રી કૃષ્ણએ ગીતામાં મૃત્યુ સંબંધિત ઘણાં ઉપદેશો આપ્યા છે. મહાભારતનાં યુદ્ધમાં અર્જુને પોતાનાં સગાં – સંબંધીઓને જોઇને ધનુષ બાણ ત્યજી દીધાં. તે વખતે શ્રી કૃષ્ણએ અર્જુનને જીવન અને મૃત્યુથી સંબંધિત ગીતાનું જ્ઞાન આપ્યું.

શ્રીકૃષ્ણએ જીવનનો સાર સમજાવતાં જ કહ્યું હતું કે જે વ્યક્તિએ આ ધરતી પર જન્મ લીધો છે તેનું એકનાં એક દિવસે મૃત્યુ તો નિશ્ચિત છે. માનવ શરીર નશ્વર છે અને એક દિવસ તો તે અવશ્ય નષ્ટ થશે.આત્માનાં સંબંધમાં પણ શ્રી કૃષ્ણએ કહ્યું છે કે આત્મા અમર છે અને તે નિશ્ચિત સમય માટે મનુષ્યનું શરીર ધારણ કરે છે. આ સમય પુરો થતાં આત્મા જાતે જ શરીર છોડી દે છે.શાસ્ત્રો અનુસાર જ્યારે મનુષ્યની મૃત્યુ થવાની હોય છે તેનાં અમુક દિવસો પહેલાં જ એવી સ્થિતિઓ સર્જાય છે કે જેનાથી અંદાજો લગાડી શકાય છે કે વ્યક્તિની મૃત્યુ ક્યારે થશે? આમ તો મૃત્યુનાં સંબંધમાં કોઇપણ પ્રકારની ભવિષ્યવાણી કરવી એ અસંભવ જેવું જ છે.જ્યોતિષ શાસ્ત્રમાં કોઇપણ વ્યક્તિનાં મૃત્યુનો સંભવિત દિવસ જાણી શકાય છે.તેના સિવાય અમુક અસામાન્ય ઘટનાઓ ઘટવા લાગે છે ત્યારે મૃત્યુનો સંકટ શરૂ થવા લાગે છે.શાસ્ત્રો અનુસાર જ્યારે કોઇપણ વ્યક્તિને પાણી, ઘી, તેલમાં પોતાનો પડછાયો દેખાવાનો બંધ થઇ જાય તો તે વ્યક્તિની આયુષ્ય લગભગ 7 દિવસ શેષ છે.મૃત્યુનો સમય નજીક આવતાં જ વ્યક્તિની આંખો નબળી થવા લાગે છે અને તેને બરાબર રીતે દેખાવાનું બંધ થઇ જાય છે. પરંતુ અકાળ મૃત્યુનાં સંબંધમાં આ વાત લાગુ પડતી નથી.