એક કબ્રસ્તાન જ્યાં આજે પણ ફરે છે પિશાચ!

આ આત્માઓ પોતાની જ દુનિયામાં ફરતી હોય છે

તે ક્યારેય અહીંયા આવનાર કોઇને પરેશાન કરતી નથી

ભૂત, પ્રેત અને આત્માનું કોઈ સ્થાન નિશ્ચિત ન કરી શકાય, પરંતુ દુનિયાભરમાં કેટલીક એવી જગ્યાઓ હોય છે, જેને આત્માઓ પોતાનું સ્થાન બનાવી દે છે. અત્યાર સુધી તમે જૂની ઈમારતો અને જહાજો પર આત્માઓના કબજા વિશે વાંચ્યુ હશે, પણ આજે અમે તમને જે કબ્રસ્તાન વિશે જણાવવા જઈ રહ્યા છીએ ત્યાં વેમ્પાયર્સનું સામ્રાજ્ય છે.

અમે વાત કરી રહ્યા છીએ લંડનના હાઈગેટ કબ્રસ્તાનની. આ કબ્રસ્તાનમાં ઘણા બધા લોકોએ વેમ્પાયર્સને ફરતા જોયા છે. અત્યાર સુધી વેમ્પાયર્સ વિશે દુનિયામાં માત્ર અટકળો જ લગાવવામાં આવે છે, પરંતુ આ કબ્રસ્તાનમાં કેટલાય લોકોને મોતના આ રાક્ષસોને અનુભવ્યા છે.

આમ પણ દુનિયાભરમાં કબ્રસ્તાનનું નામ સાંભળીને લોકોને ભૂત, પ્રેત અને આત્માનો ખ્યાલ આવી જાય છે. કબ્રસ્તાન વિશે ઘણા લોકો એ વાત સ્વીકારે છે કે અહીંયા આત્માઓ ભટકે છે. લોકોનું કહેવું છે કે અહીંયા આત્મા ફરે છે એ વાત સાચી છે, પણ તે કોઇને પરેશાન કરતી નથી, તે પોતાની જ દુનિયામાં રહેતી હોય છે.