મહિલાઓને આ એક કામમાં સૌથી ઓછો સમય લાગે છે!

લંચ બ્રેકની વાત આવે ત્યારે તેમનો લંચ અવર 20થી 30 મિનિટનો જ હોય છે 49 ટકા મહિલાઓ ઘરેથી લંચ લઈને આવે છે
ઓફિસમાં લંચ ટાઇમ બધા માટે સરખો જ હોય છે, પરંતુ તાજેતરમાં થયેલા એક સર્વે પ્રમાણે 30 ટકા મહિલાઓનું કહેવુ છે તે તેમનો કોઈ ફિક્સ લંચ અવર નથી હોતો અને તેઓ પોતાના ડેસ્ક ઉપર બેસીને જ જમી લે છે. જ્યારે લંચ બ્રેકની વાત આવે ત્યારે તેમનો લંચ અવર 20થી 30 મિનિટનો જ હોય છે.

આ દરમિયાન પુરુષોની સરખામણીમાં સ્ત્રીઓ ઝડપથી લંચ લઈ લે છે. સેન્ડહર્સ્ટ ફાઇન ફૂડ્સ તરફથી કરવામાં આવેલા સર્વે પ્રમાણે 40 ટકા પુરુષો લંચ બ્રેક માટે 30 મિનિટ કરતા વધારે સમય લે છે.

ત્યાં જ સર્વેમાં બીજી એક વાત એવી પણ સામે આવી છે કે 49 ટકા મહિલાઓ ઘરેથી લંચ લઈને આવે છે, જેના કારણે કેન્ટિનમાં ઓર્ડર આપીને જમવાનું મંગાવવાનો સમય બચી જાય છે. 55 ટકા મહિલાઓ ખોરાકમાં વેડફાતા પૈસા બચાવવા માટે આવુ કરે છે.