બનાવો પૌષ્ટિક 'ફાડા ખીચડી'

 

 

3 વ્યક્તિઓ માટે બનાવો ફાડા ખીચડી

સામગ્રી:

1 કપ મગની દાળ (ફોતરી વગરની)
3/4 કપ ફાડા ઘઊં
1 બટાટાના ટુકડા
1 કપ લીલા વટાણા
1 કપ ફ્લાવરના ટુકડા
1 કપ સમારેલી ડુંગળી
1 ટેબલસ્પૂન આદુ-લીલા મરચાંની પેસ્ટ
1/2 ટીસ્પૂન આખા મરી
1/2 ટીસ્પૂન હળદર
1 ટીસ્પૂન લાલ મરચાંનો પાવડર
મીઠું સ્વાદ અનુસાર

વઘાર માટે:

3 ટેબલસ્પૂન ઘી
1 ઈંચ તજનો ટુકડો
3 નંગ લવિંગ
1 ટીસ્પૂન જીરુ
1/2 હીંગ

રીત:

- મગની દાળ અને ફાડા ઘઊંનેધોઈને 15 મિનીટ સુધી પાણીમાં પલાળી દો. ત્યારબાદ નિતારીને બાજુએ રાખી દો.
- 4 કપ પાણીને એક વાસણમાં લઈને ગરમ કરીને બાજુએ રાખી દો.
- એક પ્રેશર કુકરમાં ઘીને ગરમ કરો. તેમાં તજ, લવિંગ, જીરુ અને હીંગ ઉમેરીને 30 સેકન્ડ સુધી ગરમ કરો.
- તેમાં પલાળેલી દાળ અને ફાડા ઘઊં ઉમેરો અને તેની સાથે બાકીની સામગ્રી અને શાકભાજી પણ ઉમેરો. અને 4-5 મિનીટ સુધી હલાવો.
- પાણી ઉમેરીને 3-4 વ્હિસલ થાય ત્યા સુધી પ્રેશર કૂક કરો.
- ગરમા ગરમ ફાડા ખીચડી તૈયાર છે કોથમિરથી ગાર્નિશ કરી ગરમ ગરમ સર્વ કરો