એક ઇન્જેક્શનથી આંખોની ખોવાયેલી રોશની પાછી આવી જશે!

વિજ્ઞાનીઓએ એક એવું રસાયણ શોધી કાઢ્યું છે કે જેને ઇન્જેક્શનની મદદથી આંખોમાં નાંખતા દ્રષ્ટિહીન લોકો ફરીથી જોઈ શકશે. આ રિપોર્ટ 'ન્યૂરૉન' પત્રિકામાં પ્રકાશિત થયો છે.

- આ રસાયણ આંખોમાં પ્રકાશ પ્રત્યે સંવેદનશીલ ઇલેક્ટ્રૉનિક ચિપ લગાડવાથી ઓછું આક્રામક હોય છે.
- આ જ રીતે વધતી ઉંમરની સાથે-સાથે આંખોની રોશની ઓછી થવા ઉપર પણ આ રસાયણ મદદરૂપ થશે.

યુનિવર્સિટી ઑફ કેલેફોર્નિયા, યુનિવર્સિટી ઑફ મ્યુનિખ અને યુનિવર્સિટી ઑફ વોશિંગ્ટનના સંશોધકોએ મળીને આ રસાયણને તૈયાર કર્યું છે. આ રસાયણના પ્રયોગ દ્વારા એક દ્રષ્ટિહીન માદા ઉંદરની આંખોમાં થોડા દિવસ માટે રોશની પાછી આવી ગઈ હતી.

આ રસાયણને 'એએક્યૂ' કહેવામાં આવે છે, જે આંખોમાં પ્રકાશ પ્રત્યે સંવેદનશીલ ઇલેક્ટ્રૉનિક ચિપ લગાડવાથી ઓછું આક્રામક હોય છે. આ પદ્ધતિ, રેટિનિટીસ પિગમેંટોસા નામની વારસાગત બીમારીથી પીડાતા લોકો માટે ફાયદાકારક સાબિત થશે.

આ જ રીતે વધતી ઉંમરની સાથે-સાથે આંખોની રોશની ઓછી થવા ઉપર પણ આ રસાયણ મદદરૂપ થશે. આ બીમારીઓમાં પ્રકાશ પ્રત્યે સંવેદનશીલ કોષો મૃત અવસ્થામાં હોય છે, જેના કારણે આંખોથી જોઈ નથી શકાતું.

યુનિવર્સિટી ઑફ વોશિંગ્ટનમાં આંખોના નિષ્ણાત ડૉક્ટર. રસેલ વાનનું કહેવું છે કે આ રસાયણથી લોકોની આંખોમાં રોશની પાછી લાવી શકાશે.