'આલુ ટિક્કી'ની મજા

3 વ્યક્તિઓ માટે બનાવો 'આલુ ટિક્કી'

સામગ્રી :
3 મોટા બાફેલા બટાકા
1/4 ચમચી કાળા મરીનો પાવડર
2/3 કપ બાફેલા લીલા વટાણા
1/2 ચમચી મસળેલું આદુ
1/4 ચમચી ગરમ મસાલો
લાલ મરચું સ્વાદ અનુસાર
1 ચમચી જીરા પાવડર
મીઠું સ્વાદ અનુસાર
તળવા માટે તેલ

રીત :
-સૌ પ્રથમ બાફેલા લીલા વટાણાને ચમચીથી મસળો
-તેમાં બધી સામગ્રી ઉમેરો અને તેનો માવો તૈયાર કરો.
-આ રીતે તૈયાર થયેલા માવાના 10 સરખા ભાગ કરીને એકબાજુ રાખો.
-હવે બાફેલા બટાકાને છોલીને તેનો માવો તૈયાર કરો
-તેમાં મીઠું અને મરી ઉમેરી બરાબર એકરૂપ ન થઈ જાય ત્યાં સુધી મસળો.
-આ માવાના પણ 10 સરખા ભાગ કરો.
-હવે બટાકાના માવાના એક સરખા ગોળા વાળો.
-હવે એક એક બટાકાના ગોળાને લઈને તેને હાથથી દાબીને સ્હેજ પૂરીની જેમ સપાટ બનાવો.
-ઉપર તૈયાર કરેલા લીલાવટાણા માવાને તેમાં ભરીને ચારેબાજુથી એવી રીતે વાળો કે જેથી અંદરનો માવો બહાર ન આવે.
-હવે તેને ધીમે ધીમે દાબીને સપાટ કરો. આ પ્રમાણે દરેક ગોળા તૈયાર કરો
-હવે નોનસ્ટીક વાસણમાં એક ચમચી તેલ ધીમા તાપે મૂકો.
-તૈયાર થયેલા ગોળાને બે-ત્રણના માપમાં વારાફરતી મૂકીને શેલો ફ્રાય કરો.
-ટિક્કીનો કલર ગોલ્ડન રેડ થાય ત્યાં સુધી બંને બાજુ ધીમા તાપે શેકો.
-વચ્ચે વચ્ચે જરૂર પડે તો તેલ ઉમેરો.
-આ રીતે તૈયાર થયેલ આલુ ટિક્કીને દહીં અને ગ્રીન ચટની સાથે સર્વ કરો.