બનાવો ભરેલા પરવળનું ચટાકેદાર શાક

3 વ્યક્તિઓ માટે બનાવો ગ્રેવીવાળા પરવળ

સામગ્રી : 
પરવળ - ૨૫૦ ગ્રામ, 
ચણાનો લોટ - ૨૫ ગ્રામ, 
લીલાં મરચાં - ૨ નંગ , 
આદું - નાનો ટુકડો ,
મરચું - અડધી ચમચી, 
ધાણાનો પાઉડર - અડધી ચમચી, 
હળદર - પા ચમચી, 
વરિયાળી - અડધી ચમચી, 
આમચૂર - અડધી ચમચી, 
સમારેલી કોથમીર - જરૂર મુજબ, 
મીઠું - સ્વાદ મુજબ, તેલ - જરૂર પ્રમાણે

રીત : 
-પરવળને ધોઇ છોલીને દરેકમાં વચ્ચેથી કાપો મૂકો. 
-એક કડાઇમાં બે ચમચી તેલ ગરમ કરો. 
-તેમાં પરવળને સતત હલાવતાં રહી સાંતળીને નરમ થવા દો. તે પછી તેને એક પ્લેટમાં કાઢી લો. 

સ્ટફિંગ માટે : 
-એક કડાઇમાં ચણાના લોટને શેકો. તેમાં ચપટી મીઠું, થોડા બારીક સમારેલા લીલાં મરચાં અને આદું, આમચૂર અને વરિયાળી નાખી સારી રીતે મિકસ કરો. 
-આ મિશ્રણને બધા પરવળમાં ભરો. 
-એક વાટકીમાં થોડું પાણી લો. 
-તેમાં મરચું, ધાણા પાઉડર અને હળદર મિકસ કરો. 
-એક તપેલીમાં ત્રણ-ચાર ચમચી તેલ ગરમ કરી તેમાં આ મસાલાવાળા પાણીનો વઘાર કરો. 
-તે પછી તેમાં પરવળ અને સ્વાદ મુજબ મીઠું ઉમેરી બરાબર મિકસ કરો. 
-મધ્યમ આંચ રાખી પરવળને થોડી થોડી વારે હલાવતાં રહી બરાબર સીઝવા દો. 
-છેલ્લે સમારેલી કોથમીરથી સજાવટ કરી સર્વ કરો.