ક્રિસ્પી મસાલા પરાઠા

ક્રિસ્પી મસાલા પરાઠા

સામગ્રી:

2 કપ ઘઉં નો લોટ
2 નંગ ઝીણી સમારેલી ડુંગળી
1/2 કપ ઝીણી સમારેલી કોથમીર
1/2 કપ ઝીણી સમારેલી મેથી ની ભાજી
2 થી 3 નંગ ઝીણા સમારેલા લીલા મરચા
1/2 ટી.સ્પૂન ગરમ મસાલો
2 ટેબ.સ્પૂન તેલ મોવણ માટે
સ્વાદ પ્રમાણે મીઠું
શેલો ફ્રાય કરવા માટે ઘી કે બટર

રીત:

-સૌ પ્રથમ ઘઉં ના લોટ માં મીઠું,મરચું,કોથમીર,ડુંગળી,ગરમ મસાલો અને મેથી મિક્સ કરી લો
-તેમાં તેલ નું મોણ નાખી પાણી ની મદદથી કઠણ લોટ બંધો.
-લોટ ને બરોબર કેળવી તેના લુવા પાડો.
-હવે લુવા ને ચપટા થેપી ને તેને બંને બાજુ ધીમા ગેસ પર સહેજ શેકી લો.
-ઠંડા પડે પછી તેમાંથી જડી રોટલી વણી લો.
-રોટલી પર શક્કરપારા જેવા કાપા પાડો પણ કાપા છેક નીચે સુધી ન જાય તેનું ધ્યાન રાખો.
-આખી રોટલી ન કાપાઈ તેનું ધ્યાન રાખો
-હવે તેને ધીમા તાપે ઘી કે બટર વડે ક્રિસ્પી થાય ત્યાં સુધી શેકો.
-ગરમ ગરમ પરાઠા દહીં કે ગ્રીન ચટની સાથે સર્વ કરો