તમને ખબર છે ક્યાંથી આવ્યું બ્લુટૂથ, કેવી રીતે કામ કરે છે તે

આજે લગભગ બધા મોબાઇલ, ટેબલેટ, કોમ્પ્યુટર વગેરેમાં બ્લુટૂથનું ઓપ્શન હોય છે. પણ બધાને ખબર નથી કે ખરેખર શું છે આ બ્લુટૂથ. તે બે ડિવાઇસ એટલે કે મોબાઇલ કે કોમ્પ્યુટરોને વાયર વિના કનેક્ટ કરવાની ટેકનોલોજી છે. તેમાં ટૂંકી તરંગ લંબાઇ (વેવ લેન્થ)ના રેડિયો તરંગોના ટ્રાન્સમિશન દ્વારા ડેટા ટ્રાન્સફર કરવામાં આવે છે. તેના દ્વારા એક સાથે એકથી વધુ ઉપકરણોને પણ કનેક્ટ કરી શકાય છે. 

બ્લુટૂથ શબ્દ ડેનિશ કે સ્વિડિશ શબ્દ બ્લાટાન્ડનું અંગ્રેજી ભાષાંતર છે. તેના લોગોમાં 10મી સદીના ડેનમાર્કના રાજા હેરાલ્ડની સિગ્નેચરના શરૂઆતના શબ્દો પણ છે. આ ટેકનોલોજીનો જન્મ 1994માં ટેલીકોમ કંપની એરિક્સન દ્વારા થયો હતો. 

બ્લુટૂથ માહિતીના આદાન પ્રદાનનો સુરક્ષિત ઉપાય છે. બ્લુટૂથની ખાસિયતોનો વિકાસ કરવાની અને લાઇસન્સ આપવાની જવાબદારી બ્લુટૂથ ઇન્ટરેસ્ટ ગ્રુપની છે. આ ગ્રુપમાં 13000 કંપનીઓ સામેલ છે.