દુર્બળ દેહનો લાભકારી આહાર

'કાળી દ્રાક્ષનું સેવન તથા રસ પીવો,બીટ રક્તવૃદ્ધિ કરવામાં સહાયક છે. તેથી સલાડમાં સમાવેશ કરવો, બાફીને ખાવું તેમજ તેનો રસ પણ પી શકાય.

'ગાજર તથા બીટનો સમાન માત્રામાં રસ પીવાથી રક્તમાં લાલકણની વૃદ્ધિ થાય છે. તેમજ કાજૂનું સેવન હેમોગ્લોબિનની માત્રા વધારે છે. કાજૂમાં થાયમીન, આયર્ન, તેમજ વિટામિન બી સમાયેલા છે. કાજૂ શક્તિવર્ધક હોવાથી દુર્બળ વ્યક્તિએ તેનું સેવન કરવું.

'ફાયદાકારક લાલ મરચું પાચન શક્તિ વધારે છે. લાલ મરચાનું સેવન નશા નિવારક તરીકે કરાય છે.યોગ્ય પ્રમાણમાં ખાવાથી મેલરિયા નથી થતો.લાલ મરચું જ્વર નાશક તથા બળવર્ધક છે.

'કાળા જાંબુ ઃચોમાસાનું ફાયદાકારક ફળ મુખમાંના છાલા દૂર કરવા જાંબુનો રસ લગાડવો.અરૂચિ પર ભૂખ્યા પેટે જાંબુનું સેવન કરવું.જાંબુના પાનની ભસ્મનો દંતમંજન તરીકે ઉપયોગ કરવાથી દાંત તથા પેઢા મજબૂત થાય છે.સામાન્ય ટિપ્સ

'કોબીનું શાક, દાળ, ભાત વઘુ પ્રમાણમાં વઘ્યા હોય તો તેમાં ઘઉંનો લોટ, ચણાનો લોટ તથા યોગ્ય પ્રમાણમાં મસાલો ભેળવી મૂઠિયાં બનાવવા.

'કોપરાની ચટણી માટે દાળિયા ન હોય તો ચણાની દાળને શેકી પાણીમાં થોડીવાર પલાળી રાખી વાટવી.

'બટાકાના ભજિયા બનાવતી વખતે લોટમાં થોડો અજમો નાખવાથી સ્વાદિષ્ટ થાય છે.