'ભરેલા મરચાંનાં ભજીયાં'

ચટાકેદાર ભરેલા મરચાંના ભજીયાં સામગ્રી 
- 5-6 જાડા લીલા મરચાં 
2 બાફેલા બટાકા 
1/2 ટી સ્પૂન ચાટ મસાલો 
1/2 ટી સ્પૂન ગરમ મસાલો 
1 કપ બેસન 
1/2 ટી સ્પૂન બેકિંગ પાવડર 
1/4 ટી સ્પૂન લાલ મરચાનો પાવડર 
તળવા માટે તેલ 
મીઠું સ્વાદઅનુસાર 

રીત - 
-સૌ પ્રથમ લીલા મરચાને ધોઈને લૂંછી લો. હવે તેની વચ્ચે લાંબો ચીરો લગાવી બીજા બહાર કાઢી લો. 
-બાફેલા બટાકા છોલીને છીણી લો. તેમા મીઠુ, ચાટ મસાલો અને ગરમ મસાલો નાખી મિશ્રણ તૈયાર કરો. 
-બેસનમાં મીઠુ, લાલ મરચુ, બેકિંગ પાવડર અને જરૂર મુજબ પાણી નાખીને ઘટ્ટ ખીરું તૈયાર કરો. 
-હવે એક કડાઈમાં તેલ ગરમ કરો. 
-લીલા મરચામાં બટાકાનુ મિશ્રણ ભરો અને બેસનના ખીરામાં ડુબાડી ગરમ તેલમાં તળો. 
-તમે ઈચ્છો તો મરચાના ઉપર પણ બટાકાના મિશ્રણની એક પરત લગાવી શકો છો. 
-મરચાંનાં ગરમા-ગરમ ભજીયાં ટોમેટો સોસ અને ગ્રીન ચટણી સાથે સર્વ કરો.