બનાવો ટેસડો પાડી દે તેવા 'ભરેલા રવૈયા'

ભરેલા રવૈયાનું સ્વાદિષ્ટ શાક

સામગ્રી :-
250 ગ્રામ નાના સુરતી રવૈયા
250 ગ્રામ નાની બટાકી (મોટુ બટાકુ સમારીને પણ નાખી શકાય )
2 ટેબલ સ્પૂન ચણાનો લોટ (ધીમા ગેસ પર વાસણમાં કોરો શેકવો)
2 ટેબલ સ્પૂન શેકેલી સીંગનો ભૂકો
3 ટેબલ સ્પૂન કોપરાનું છીણ
3 ટેબલ સ્પૂન ગોળ આમલીનો રસો
2 ટી સ્પૂન તેલ
2 ટી સ્પૂન લાલ મરચુ
2 ટી સ્પૂન ધાણાજીરુ
2 ટી સ્પૂન ગરમ મસાલો
2 ટી સ્પૂન હળદર
2 ટી સ્પૂન વાટેલુ લસણ
2 ટી સ્પૂન તલ
મીઠુ સ્વાદ પ્રમાણે

વઘાર માટે :
3 ટેબલ સ્પૂન તેલ
1/2 ચમચી રાઈ
1/2 ચમચી જીરુ
4 ચપટી હીંગ

રીત :-
-રવૈયા ધોઈ દરેકમાં ચાર કાપા કરી 2-3 મિનિટ મીઠાના પાણીમાં રાખો.
-ત્યારબાદ ઉપર લખેલો બધી જ સામગ્રી એક વાસણમાં સારી રીતે મિક્સ કરી લો
-આ બધો જ મસાલો રીંગણમાં અને બટાકામાં ભરી લો.
-એક જાડા તળિયાવાળા વાસણમાં તેલ મૂકી તેમાં રાઈ નાખો.
-રાઈ તતડી જાય ત્યારે હીંગ નાખી રીંગણ અને બટાકા વઘારો.
-2થી 3 મિનિટ પછી ભરતા વધેલો બધો જ મસાલો નાખી 1 કપ પાણી નાખો.
-હલાવીને ધીમા ગેસ પર ચડવા દો.
-5 મિનિટ પછી સર્વિંગ બાઉલમાં કાઢી ઉપર કોથમીર અને કોપરુ ભભરાવી ગરમ ગરમ સર્વ કરો.

નોંધ -શાક કૂકરમાં જો બનાવીએ તો ઉપર બતાવ્યા પ્રમાણે જ વઘાર કરીને એક જ સીટી વાગવા દો