ગૂગલે દુનિયાનું સૌથી ઝડપી ઈન્ટરનેટ કનેક્શન લોન્ચ કર્યું

૧ જીબી પ્રતિ સેકન્ડ સ્પીડ : ૧૦૦ ગણી સ્પીડ વધશે

ઈન્ટરનેટની ધીમી સ્પીડના કારણે યુટયૂબ વીડિયો પર થતું બફરિંગ, ફેસબુક પર ફોટો અપલોડ કરવામાં લાગતા સમયની સમસ્યા હવે આગામી સમયમાં નહીં રહે. ગૂગલે શનિવારે એક અલ્ટ્રા હાઈસ્પીડ ઈન્ટરનેટ સર્વિ‌સ લોન્ચ કરી છે. આ સર્વિ‌સ શરૂ થયા બાદ ઈન્ટરનેટ સ્પીડની સમસ્યા ઈતિહાસ બની જશે. આ કનેક્શનની સ્પીડ ૧ જીબી પ્રતિ સેકન્ડ હશે જે હાલના ઈન્ટરનેટ કનેક્શન કરતાં લગભગ ૧૦૦ ગણી વધારે હશે. આ કનેક્શન બ્રોડબેન્ડ નહીં હોય પરંતુ એક પાતળી ઓપ્ટિકલ ફાઈબર લાઈનથી જોડાયેલું હશે.

આ લાઈન વ્યક્તિના ઘરથી સીધી જ ડેટા સેન્ટર સાથે જોડાયેલી હશે. તે ડેટા સેન્ટર રાષ્ટ્રીય ઈન્ટરનેટ સેન્ટર સાથે જોડાયેલું હશે જેથી તેની સ્પીડમાં વધારો થશે. પ્રારંભિક ધોરણે ગૂગલે માત્ર અમેરિકાના બે શહેર કેન્સાસ અને મિસૌરીમાં આ સેવા શરૂ કરી છે. અન્ય દેશો અંગે હાલમાં કંપનીએ કંઈપણ કહેવાનું ટાળ્યું હતું. તેનો ખર્ચ દર મહિ‌ને ૭૦ ડોલર (રૂ. ૩૮૬૬) થશે.

અન્ય સુવિધાઓ પણ ઉપલબ્ધ

તેમાં ૧૨૦ ડોલર પ્રતિ માસનું પેકેજ પણ હશે. તેમાં ગૂગલ એક ટીવી, ૧૦૦ ચેનલ, એક જીબી ઈન્ટરનેટ સ્પીડ અને એક ટેટ્રાબાઈટ ક્લાઉડ સ્ટોરેજની સુવિધા આપશે.

એક સાથે આઠ ટીવી પ્રોગ્રામ રેકોર્ડ કરી શકાશે. ઉપરાંત પ૦૦ કલાકના એચડી કાર્યક્રમ સ્ટોર થઈ શકશે.

આ દેશોમાં છે સૌથી વધુ ઝડપ

૧. દક્ષિણ કોરિયા - ૧૭.૬ એમબીપીએસ
૨. રોમાનિયા - ૧પ.૨ એમબીપીએસ
૩. બલ્ગેરિયા - ૧૨.૮ એમબીપીએસ
૪. લિથુઆનિયા - ૧૧.૬ એમબીપીએસ
પ. લેટવિયા - ૧૧ એમબીપીએસ

ભલે ઈન્ટરનેટ અમેરિકાથી શરૂ થયું હોય પરંતુ તે પોતાની પ૦.૮ એમબીપીએસની સ્પીડના કારણે ઝડપના મામલે ટોપ ૧૦માં નથી. આ યાદીમાં તે ૧૨મા ક્રમે છે.