સમગ્ર દુનિયામાં ટેસ્ટ ટ્યૂબ બેબીની સંખ્યા જાણીને થશે આશ્ચર્ય

વિશ્વભરની જનસંખ્યા જ્યાં સાત અબજનો આંકડો સ્પર્શી ચુકી છે ત્યાંજ તેમાં પચાસ લાખ લોકોની આબાદી એવી પણ છે જેમનો જન્મ ટેસ્ટ ટ્યૂબ પદ્ધતિથી થયો છે. 

- દર વર્ષે લગભગ ત્રણ લાખથી વધુ બાળકોનો જન્મ આ પદ્ઘતિથી થાય છે
- આ આંકડો દર વર્ષે જન્મ લેનારા 13 કરોડ બાળકોનો 0.3% બેસે છે.

યૂરોપિયન સોસાઇટી ઑફ હ્યૂમન રીપ્રોડક્શન એન્ડ એમ્બ્રોયોલોજી દ્વારા પ્રકાશિત કરવામાં આવેલા આંકડાઓમાં આ ખુલાસો થયો છે. આ રિપોર્ટમાં જણાવાયું છે કે વિશ્વભરમાં દર વર્ષે લગભગ ત્રણ લાખ પચાસ હજાર બાળકોનો જન્મ આ જ પદ્ઘતિ દ્વારા થાય છે. આ આંકડો દર વર્ષે જન્મ લેનારા 13 કરોડ બાળકોનો 0.3% બેસે છે. 

આઈવીએફ અને આઈસીએસઆઈ કહેવાતી બન્ને પદ્ધતિના ઉપયોગથી ટેસ્ટ ટ્યૂબ બેબીનું સર્જન કરવામાં આવે છે. આઈવીએફ પદ્ધતિમાં અંડાણુ અને શુક્રાણુ બન્નેને એક પેટ્રી ડિશમાં ફર્ટિલાઇઝ્ડ કરવામાં આવે છે, જ્યારે આઈસીએસઆઈ પદ્ધતિમાં શુક્રાણુને એક ઇંજેક્શેન દ્વારા અંડાણુમાં ડાયરેક્ટ ફર્ટિલાઇઝ્ડ કરી દેવાય છે.