હાથ અને પગ તો છે અપ ટૂ ડેટ, ટમી કરે છે અપસેટ!

 

 

શહેરમાં ૧૫થી ૨૦ ટકા લોકો સેન્ટ્રલ ઓબેસિટીથી પરેશાન છે. તેમના હાથપગ તો નોર્મલ છે. પરંતુ ટમી બહાર આવેલી છે. જેના કારણે તેઓ ખૂબ શરમનો અનુભ કરે છે.

સેન્ટ્રલ ઓબેસિટીથી હેરાન લોકો બેલ્ટ બાંધી ટમી દબાવાનો પ્રયાસ કરે છે તો ઢીલો શર્ટ પહેરીને. જિમ ટ્રેનરનું કહેવું છે કે, ૬૦ ટકા લોકો ટમી ઓછું કરવા આવે છે.

જાણીતા જિમનાં મેનેજર કહે છે કે, આરોગેલા ખોરાકનો સ્ટોરેજ પોઇન્ટ ટમી જ હોય છે. જ્યારે આપણે ફિઝિકલી કોઇ કામ નથી કરતા ત્યારે આ સમસ્યા આવી જાય છે. જાડા લોકોને તો આ સમસ્યા હોય છે, પરંતુ હવે દુબળા-પાતળા લોકોને પણ ટમી દેખાવા લાગી છે. આને જાડાપણાની શરૂઆત પણ કહી શકાય છે. આ હવે અનિયમિત દિનચર્યાને લીધે છે. ઓફિસમાં બેઠા બેઠા કામ કરવું, ઘરે સોફા પર બેસીને ટીવી જોવું, જમ્યા પછી તરત ઊંઘી જવું, આ તમામ લોકોની આદતમાં સામેલ છે. પુરુષ આ મામલામાં થોડા ચિંતિત છે, પરંતુ મહિલાઓ ખૂબ પરેશાન છે.

સર્જિકલ ગેસ્ટ્રોલોજિસ્ટ ડૉ. કૌશલ આનંદ કહે છે કે, ૧૫ ટકા લોકો સેન્ટ્ર ઓબેસિટી (પેટ વધવાથી) હેરાન છે. આના ઘણા કારણો છે,જેવા કે એક્સસૉઇઝ ઓછી થવી, મહેનતનું કામ ન કરવું, કલાકો સુધી ટીવી સામે બેસવું અથવા વીડિયો ગેમ રમતા રહેવું, લોકોની ખાણી-પીણી પણ બદલ્યા છે જેનાથી પણ ખૂબ પ્રોત્સાહન મળે છે. પિત્ઝા, બર્ગર, સ્વીટ્સ, કેક, કોક વગેરે વસ્તુઓ લઇ રહ્યાં છે. કુલ મળીને પ્રોટીન ઓછા અને ફેટ વધારે માત્રમાં લઇ રહ્યા છે.
ડીપ ફ્રાય અને જંક ફૂડથી બચો

ડાયટિશિયન ભારતીબહેન શાહ બતાવે છે કે, એક્ટિવિટી અને ડાયટ બંને પર ધ્યાન દેવાથી ટમી ફેટ ઓછું થશે કારણ કે આપણે આપણે જેટલું ખાઇ રહ્યા છીએ તેટલું ફેટ બર્ન નથી કરી શકતા અને તે ટમીની આજુબાજુ ભેગું થાય છે. લોકોને ડીપ ફ્રાયવાળી વસ્તુઓ, જંક ફૂડ ન ખાવી જોઇએ.