ઠંડીમાં બનાવો 'દાલ બાટી'

 

 

4 વ્યક્તિઓ માટે બનાવો દાલ બાટી

બાટી બનાવવા માટે સામગ્રી

4 કપ ઘઊંનો લોટ (થોડો કકરો)
1 કપ બેસન
1 કપ ઘી
1/2 કપ દહીં
1 ટેબલ સ્પૂન અજમો
નમક – સ્વાદ અનુસાર

રીત
-લોટમાં દહીં, બેસન, ઘી, અજમો તથા જરૂરીયાત અનુસાર પાણી નાખીને નરમ કણક બાંધી લો.
-લીંબુ જેવા આકારના ગોળા બનાવી લો
-તેને ઢાંકીને એક કલાક માટે મુકી રાખવા.
-ત્યારબાદ ગરમ કોલસા પર વારાફરતી સોનેરી રંગના થાય ત્યાં સુધી શેકી લો.
-પછી ગરમ ઘીમાં ડુબાડી રાખવા.

સામગ્રી દાલ બનાવવા માટે
100 ગ્રામ મગની છોડાં વાળી દાળ
50 ગ્રામ ચણા દાળ
50 ગ્રામ તુવર દાળ
50 ગ્રામ અડદ દાળ
1 નંગ ડુંગળી ઝીણી સમારેલી
1 નંગ ટામેટું બારીક કાપેલું
કોથમીર થોડી
2 ટેબલ સ્પૂન ઘી
1/2 ટી સ્પૂન હળદર
1/2 ટી સ્પૂન ગરમ મસાલો
1 ટેબલ સ્પૂન લાલ મરચું
1 ટેબલ સ્પૂન લસણ આદુની પેસ્ટ
હીંગ – ચપટી ભર
લીંબુ – એક

રીત
-બધી દાળ એક સાથે ચડાવીને તૈયાર કરી લો.
-એક તપેલીમાં બે ચમચી ઘી નાખીને જીરુ, તમાલપત્ર અને ચપટીભર હીંગ લઇ, ડુંગળી તથા આદુ લસણની પેસ્ટ સાતળો
-તે થોડા ભૂરા રંગનો થાય ત્યાં સુધી ચડાવો.
-ત્યારબાદ ટામેટું નાખી થોડી વાર પકાવો.
-ત્યારબાદ બધા મસાલા, દાળ તથા મીઠું નાખીને દાળ ચઢે ત્યાં સુધી સીઝવા દો.
-દાળને કોથમીરથી સજાવી લીંબું નિચોવી દો
-ખાતી વખતે ગરમ બાટીને દાળમાં ડુબાડીને ખાવો.