બનાવો હોટ એન્ડ સોર સૂપ

 

 

વેજીટેબલ હોટ એન્ડ સોર સૂપ

સામગ્રી :

સમારેલી ફણસી- ૪-૬ નંગ,
ગાજરનું છીણ- અડધું નંગ,
ફણગાવેલું કઠોળ- પા કપ,
સમારેલી કોબીજ- પા ભાગ,
સમારેલાં બટન મશરૂમ- ૨ નંગ,
સમારેલું કેપ્સિકમ- અડધું,
તેલ- ૨ ચમચા,
સમારેલી ડુંગળી- ૧ નંગ,
સમારેલું લસણ- ૨-૩ કળી,
સમારેલી સેલેરી- ૨-૩ ડાળખી,
છીણેલું આદું- નાનો ટુકડો,
સોયા સોસ- ૨ ચમચા,
ગ્રીન ચિલી સોસ- ૨ ચમચા,
વેજિટેબલ સ્ટોક- ૪-૫ કપ,
ખાંડ- અડધી ચમચી,
સફેદ મરીનો પાઉડર- અડધી ચમચી,
કોર્નફ્લોર- ૩ ચમચી,
વિનેગર- ૨ ચમચા,
સમારેલી લીલી ડુંગળી- ૧ નંગ,
ચિલી ઓઇલ- ૧ ચમચો,
મીઠું- સ્વાદ મુજબ

રીત :

-એક ઉંડા પેનમાં તેલ ગરમ કરો.
-તેમાં ડુંગળી, લસણ, સેલેરી અને આદું નાખીને એક મિનિટ માટે સાંતળો.
-હવે ફણસી, ગાજર, ફણગાવેલું કઠોળ, કોબીજ ઉમેરો. મશરૂમ નાખીને સાંતળો.
-ત્યાર બાદ સોયા સોસ, ગ્રીન ચિલી સોસ અને વેજિટેબલ સ્ટોક ભેળવો.
-તેમાં કેપ્સિકમ, મીઠું, ખાંડ મિકસ કરો. સફેદ મરીનો પાઉડર નાખો.
-કોર્નફ્લોરને સહેજ પાણીમાં ઘોળીને તેમાં રેડો અને સૂપને સહેજ ધટ્ટ થવા દો.
-વિનેગર નાખીને હલાવો.
-સૂપ બાઉલમાં સૂપ રેડી ઉપર લીલી ડુંગળીથી સજાવો.
-સહેજ ચિલી ઓઇલ છાંટી તરત જ સ્વાદ માણો