જાણો છો? સૂગર ફ્રી ચ્યૂઈંગમ ખરેખરમાં કેટલી નુક્શાનકારક

-દાંતને બગાડતી સૂગર ફ્રી ચ્યૂઈંગ ગમ

ફ્રુટ્સ ફ્લેવર અને ચ્યૂઇંગ ગમ દાંતના પેઢાને નબળા બનાવવાનું કાર્ય કરે છે.

જમ્યા પછી લોકોને સુગર ફ્રી ચ્યૂઇંગ ગમ ચાવવાની સલાહ દેતા પહેલા હવે ડેન્ટિસે સો વખત વિચારવું પડશે. એક શોધમાં જાણવા મળ્યું છે કે આ આદત હકીકતમાં તો દાંતને ખરાબ બનાવવા માટે જવાબદાર છે.

બ્રિટિશ ડેન્ટલ જર્નલ દ્વારા કરવામાં આવેલા આ સર્વેમાં ડેિન્ટસ્ટોને પણ સલાહ આપવામાં આવી છે.

નુકસાનકારક શું છે?સામાન્ય રીતે દાંતને ખરાબ થતા અટકાવવા માટે સુગર ફ્રી વસ્તુ ખાવાની સલાહ આપવામાં આવે છે. પરંતુ સુગર ફ્રી ચોકલેટ ને ચ્યૂઇંગ ગમમાં રસાયણોવાળી ફ્લેવરનો ઉપયોગ કરવામાં આવે છે. એમાં પણ ઝાયલીટોલ અને સોર્બીટોલ જેવા તત્વોને દાંતની કૈવિટી માટે ઉપયોગી ગણવામાં આવે છે,

પરંતુ આની સાથે જ તે મોંમાં એસિડિટીને વધારવાનું કામ કરે છે. એની અસર થવાથી દાંતના પેઢા નબળા પડે છે અને તેમાં સડો થવા લાગે છે. જો ચ્યૂઇંગ ગમમાં ફળની વધારે ફ્લેવર હોય તો આ તકલીફ વધી શકે છે.

અન્ય નુકસાન ફક્ત દાંત જ નબળા પડતા નથી પરંતુ મોંમાં થતી એસિડિટી અને પેટની બીજી ઘણી સમસ્યાઓ માટે પણ જવાબદાર ગણાય છે.

ડેન્ટિસ્ટને સલાહ બ્રિટિશ જર્નલે ડેન્ટિસ્ટોને પણ સલાહ આપી છે કે તેઓ ચ્યૂઇંગ ગમના સારા અને ખરાબ બંને પાસાં દ્વારા લોકોને તેની સાચી માહિતી આપે.

કંપનીઓએ પણ સ્વીકાર્યું ચ્યૂઇંગ ગમની બનાવટ કરતી મોટી કંપની રગિ્લેએ પણ સ્વીકાર્યું છે કે સુગર ફ્રી વસ્તુઓનો નિયમિત ઉપયોગ ન કરવો જોઇએ. એની અસર દાંતની સાથે જ મોં પર પણ પડે છે.

આ ઉપરાંત ફળના ફ્લેવરથી બચવા માટે પણ જણાવ્યું છે. એમના મુજબ દિવસમાં બે વખત બ્રશ કરવું એ દાંતના સ્વાસ્થ્ય માટે સૌથી સરળ અને શ્રેષ્ઠ ઉપાય છે.