નાની વાતે પેઈનકિલર લેવાની ટેવ ક્યાંક ભારે ન પડી જાય

 

 

-પેઇનકિલર ગોળીઓનું સેવન અને અનિયમિત ધબકારાની ઝડપ વચ્ચે પણ સંબંધ છે

બ્રિટનમાં તાજેતરમાં થયેલા એક અભ્યાસ પ્રમાણે પેઇન કિલરની ગોળીઓ હાર્ટ માટે જોખમી હોય છે. ઈબુપ્રોફેન અને એસ્પિરિન જેવી પેઇનકિલર્સ ગોળીઓનું સેવન અનિયમિત હ્રદય ગતિનું કારણ બની શકે છે. આ ગોળીઓના સેવનથી હ્રદયના ધબકારા અનિયમિત થવાનું જોખમ 40 ટકા જેટલુ વધી જાય છે.

ડેનમાર્કની આરહસ યુનિવર્સિટીના સંશોધકોએ પહેલી વાર જણાવ્યું છે કે પેઇનકિલર ગોળીઓનું સેવન અને અનિયમિત ધબકારાની ઝડપ વચ્ચે પણ સંબંધ છે.

સંશોધકોએ જણાવ્યા પ્રમાણે અનિયમિત ધબકારાની ગતિ હ્રદયાઘાત કરતા વધારે સામાન્ય સમસ્યા છે અને આગળ જઈને હ્રદયાઘાતનો ખતરો પેદા થઈ શકે છે. આ અભ્યાસ માટે સંશોધકોએ અલગ અલગ હોસ્પિટલોમાં દાખલ થયેલા 32,602 દર્દીઓના સ્વાસ્થયનો અભ્યાસ કર્યો હતો.

અભ્યાસમાં સામે આવ્યુ હતું કે જે દર્દીઓએ હાલમાં જ પેઇનકિલર ગોળીઓ લેવાની શરૂ કરી દીધી છે, તેમની હ્રદયગતિ અનિયમિત થવાનું જોખમ 40 ટકા જેટલુ વધી જાય છે.