નસીબે નહીં...ક્રિએટિવિટીએ બનાવ્યા ભિખારીમાંથી કરોડપતિ!

49 વર્ષીય ઝિયાનરેન હેઈ લોંગજિયાંગ પ્રાંતનો રહેનારો છે

ચીનના શેંગડોંગનો એક અપંગ ભિખારી છે ચુઈ જિઆનરેન, પરંતુ તે હવે ઓનલાઇન સ્ટાર બની ગયો છે. તેના સુંદર હેન્ડરાઇટિંગના ફોટો એક લોકપ્રિય ચાઇનીઝ સાઇટ પર અપલોડ કરવામાં આવ્યા હતા, જેને જોઇને ચીનના સૌથી મોટા ફોન્ટ સપ્લાયર ફાઉન્ડર ઈલેક્ટ્રોનિક્સે તેમના બેમિસાલ રાઇટિંગ અપનાવવાનો નિર્ણય લીધો છે.

49 વર્ષીય ઝિયાનરેન હેઈ લોંગજિયાંગ પ્રાંતનો રહેનારો છે. 18 વર્ષ પહેલા એક ઈંધણના બેરલમાં વિસ્ફોટ થવાના કારણે તેઓ ગંભીર રીતે ઈજાગ્રસ્ત થઈ ગયા હતા. તેમનો હાથ અને ચહેરો ગંભીર રીતે દાઝી ગયો હતો. આ સિવાય તેમના જમણા હાથની અમુક આંગળીઓને લકવો પણ થઈ ગયો હતો. તેમના હાથ કામના નહોતા રહ્યા, તેમ છતાં જિયારેને લખવાની પ્રેક્ટિસ ચાલુ રાખી હતી.

તેમણે પોતાની આ અનોખી પ્રતિભાને ચોક દ્વારા રસ્તા પર પ્રદર્શિત કરવાનું શરૂ કર્યું. આ જોઈને લોકો તેમને અમુક પૈસા દાન કરી જતા હતા. ફાઉન્ડર ઈલેક્ટ્રોનિક્સના પ્રોડક્ટ મેનેજર વેંગ જણાવે છે કે જિયારેનના આ રાઇટિંગના વિજ્ઞાપનોમાં ઉપયોગ કરી શકાય છે. અત્યારે તો કંપનીએ તેમને કોન્ટ્રાક્ટ સાઇન કરવા માટે 50 હજાર રેનમિનબી પણ આપી દીધા છે.