બનાવો 'રીંગણનું ભડથું'

 

3 વ્યક્તિઓ માટે ઘરે બનાવો

સામગ્રી

1 મોટુ રીંગણ
1/2 કપ લીલા વટાણા
1 ઝીણી સમારેલી ડુંગળી
1 ઝીણુ સમારેલુ ટમેટુ
1 ઝીણુ સમારેલુ લીલું મરચું
1/2 ટી સ્પૂન લાલ મરચાનો પાવડર
1/2 ટી સ્પૂન ગરમ મસાલો
1/4 ટી સ્પૂન હળદર
3 ટેબલસ્પૂન વેજીટેબલ તેલ
મીઠું, સ્વાદ અનુસાર
લીલા ધાણા, ઝીણા સમારેલા

રીત:

- રીંગણની છાલ પર તેલ લગાડીને તેને ગેસના બર્નર મધ્યમ આંચ પર શેકો.
- તેને વારેવારે ફેરવતા રહો જેથી તે બધી બાજુથી શેકાઈ જાય.
- તે શેકાઈ જાય પછી તેના પર ઠંડુ પાણી રેડીને તેની કાળી પડી ગયેલી શેકાયેલી છાલને દૂર કરો.
- તેના ગરને સ્મેશ કરી નાંખો.
- એક પેનમાં તેલ ગરમ કરો. તેમાં લીલા મરચા અને ડુંગળી ઉમેરીને તેને મધ્યમ આંચ પર સાંતળો અને લાઈટ બ્રાઉન થવા દો.
- તેમાં લાલ મરચાનો પાવડર, હળદર, ગરમ મસાલો અને મીઠું ઉમેરીને હલાવો. તેમાં ટમેટા ઉમેરો અને તેને પાકવા દો.
- હવે તેમાં લીલા વટાણા અને સ્મેશ કરેલો રીંગણનો ગર ઉમેરીને બરાબર હલાવો.
- 5-7 મિનીટ સુધી મધ્યમ આંચ પર પાકવા દો.
- લીલા ધાણા સાથે ગાર્નિશ કરીને ગરમા ગરમ રોટલા સાથે પીરસો રીંગણનો ઓળો