આજે બનાવો 'પાવભાજી'

 

બનાવો પાવભાજી

સામગ્રી :
ભાજી બનાવવા

1.5 કપ બાફેલા બટેટા મેશ કરેલા
1 કપ ફલાવર બાફેલું
1/2 કપ વટાણા બાફેલા
1/2 કપ ગાજર બાફેલા
1/2 કપ કેપ્સીકમ (ભોલર મરચાં) બારીક સમારેલા.
2.5 કપ ટામેટા બારીક સમારેલા.
1/2 ટી સ્પૂન હળદર
1/2 ટી સ્પૂન લાલ મરચાંની ભૂકી,
1.5 ચમચો પાવભાજીનો મસાલો.
1/5 ચમચી સંચળનો ભૂકો,
4 ચમચા બટર,
મીઠું સ્વાદ અનુસાર.
3-4 કાશ્મીર મરચાં તેમજ 5-6 કળી લસણ વાટીને પેસ્ટ.

ગાર્નિશીંગ માટે

1 ડુંગળી બારીક સમારેલી,
2-3 લીંબુના ટુકડા
થોડી કોથમીર બારીક સમારેલી.

રીત :
-એક મોટા વાસણમાં બટર નાંખીને તેમાં ડુંગળી અને કેપ્સિકમ નાંખી સાંતળો.
 

-તેમાં મરચાં-લસણની પેસ્ટ નાખી સાંતળો. હવે તેમાં ટામેટા નાખી સતત હલાવતાં રહો જેથી તેલ છૂટું પડે.
 

-હળદર, મરચાંની ભૂકી, પાવભાજી મસાલો, સંચળ અને મીઠું નાખી 2 થી 3 મિનિટ હલાવો.
 

-બાફેલા શાકભાજી અને બટેટાનો મેશ કરેલો ગર ઉમેરો. જરૂર પડે તો 1/2 કપ પાણી નાખો.
 

-સબ્જીને વ્યવસ્થિત સિજવા દો તૈયાર છે પાવભાજીની સબ્જી

 

-હવે પાવ ને વચ્ચેથી કાપો. બંને બાજુ બટર લગાડો. તેના પર પાવભાજી મસાલો છાંટો.
 

-તવો ગરમ કરી તેના પર થોડું બટર લગાડી પાવને શેકો.
 

-તેના પર ડુંગળી અને કોથમીર નાંખી ગાર્નિશ કરો. પાવ અને લીંબુના ટુકડા સાથે સર્વ કરો