બનાવો 'મટર પનીર'

 

મટર પનીર

સામગ્રી :

250 ગ્રામ પનીર
1/2 કપ લીલા તાજા વટાણા
2-3 નંગ ટામેટા
2 નંગ લીલા મરચા
1 ટુકડો આદુ
1/2 નાનો કપ ક્રીમ અથવા ઘરના દૂધની મલાઈ
2 ટે. સ્પૂન રીફાઈન્ડ તેલ
1/2 નાની ચમચી જીરૂ
1/4 નાની ચમચી હળદર
1 નાની ચમચી ધાણા પાઉડર
1/4 નાની ચમચી (થોડો ઓછો) લાલ મરચાનો પાઉડર
1/4 નાની ચમચી ગરમ મસાલો
મીઠું સ્વાદ અનુસાર
2 ટે.સ્પૂન લીલી કોથમીર (બારીક સમારેલી)

રીત :

-ટામેટા, લીલા મરચા, આદુ મિક્સરમાં બારીક પીસી લેવા. આ પેસ્ટમાં ક્રીમ/મલાઈ નાંખી ફરી એક વખત મિક્સર ફેરવી લેવું.
 

-પનીર ચોરસ ટુકડામાં સમરી લેવું અને લીલા વટાણાને 1/2 કપ પાણીમાં બાફી લેવા.
 

-એક કડાઈમાં તેલ નાંખી અને ગરમ કરવું. ગરમ તેલમાં જીરું નાંખવું. જીરૂ શેકાઈ ગયા બાદ, હળદર, ધાણા પાઉડર, મરચું નાંખી અને ચમચાની મદદથી હલાવતાં જવું
 

-તેને બરોબર શેકવું / સાંતળવું. હવે તમે અગાઉ જે મસાલો પીસીને તૈયાર કરેલ (પેસ્ટ) તે નાંખો
 

-તેણે ત્યાં સુધી સાંતળવો / શેકવો કે તેમાંથી તેલ છૂટીને સપાટી ઉપર બહાર દેખાવા લાગે.
 

-મસાલો શેકાઈ ગયા બાદ, તમને જે રીતની ગ્રેવી પસંદ હોય, એટલે કે ઘટ કે પાતળી, તે પ્રમાણે જરૂરી પાણી ઉમેરવું. ગ્રેવીમાં અગાઉ ઉકાળેલ/બાફેલા વટાણા અને સ્વાદ અનુસાર મીઠું નાખવું.
 

-ઉફાળો આવ્યા બાદ, પનીર નાંખવું
 

-3-4 મિનિટ સુધી ઉકાળવા દેવું(ગરમ કરવું).
 

-લ્યો મટર પનીર નું શાક તૈયાર છે
 

-શાકમાં ગરમ મસાલો અને અડધી સમારેલી લીલી કોથમીર નાંખવી.
 

-શાકને એક કાચના વાસણમાં કાઢી લેવું. બાકીની કોથમીર ત્યાર બાદ, ઉપરથી છાંટવી.
 

-ગરમા ગરમ મટર પનીરનું શાક, નાન – પરોઠા કે રોટલી સાથે સર્વ કરો.