ગ્રાહકો લેબલ જોતા જ નથી!

 

 

વિગતો વચ્ચે અને મોટા અક્ષરમાં હોવી જરૂરી છે

મોલ અને મોટા સ્ટોરમાં જીવનજરૂરી ચીજોની ખરીદી કરવા જતા મોટાભાગના ગ્રાહકો તેમાં ન્યૂટ્રિશનની વિગતો જોતા જ નથી. આ અંગે થયેલા એક સંશોધનમાં સાથે એવું સૂચન પણ કરવામાં આવ્યું છે કે આવાં લેબલ પેકેટની મધ્યમાં હોવાં જોઈએ જેથી ગ્રાહકો તે સરળતાથી વાંચી શકે.

આઈ-ટ્રેકિંગ સાધનની મદદથી કરવામાં આવેલા આ સંશોધનમાં એવું પણ ધ્યાનમાં આવ્યું કે સરેરાશ ગ્રાહક માત્ર ફૂડ કન્ટેન્ટ લેબલની ઉપરના ભાગ ઉપર જ નજર ફેરવી લેતા હોય છે. આ અંગેના અભ્યાસ દરમિયાન મોલમાં ખરીદી કરવા આવેલા લોકોને ફૂડ પ્રોડકટમાં ન્યૂટ્રિશન લેબલ, ચિત્ર અને ઈનગ્રેડિયેન્ટ્સની યાદી જોવા જણાવવામાં આવ્યું હતું.

ગ્રાહકોએ આ અંગે અભિપ્રાય આપતા જણાવ્યું હતું કે આવી વિગતો જો મધ્યમાં અને મોટા અક્ષરમાં હોય તો તેમને વાંચવામાં સરળતા રહે. ન્યૂટ્રિશન કન્ટેન્ટનાં લેબલ વચ્ચે મૂકવાથી ૬૧ ટકા ખરીદદારોએ તે અંગે હકારાત્મક અભિપ્રાય આપ્યો હતો. જ્યારે તેની સામે પેકેટની છેક ઉપર અથવા નીચે આવાં લેબલવાળી સામગ્રીની વિગતો વાંચવામાં અનુક્રમે ૩૭ અને ૩૪ ટકાએ જ રસ દાખવ્યો હતો.

કેવી રીતે જાણી ગ્રાહકોની મરજી?

યુનિવર્સિટી મિનેસોટા દ્વારા કરવામાં આવેલા અભ્યાસ દ્વારા ન્યૂટ્રિશન અંગે ગ્રાહકોની જાગૃતિ જાણવાનો પ્રયાસ કરવામાં આવ્યો હતો. આઈ-ટ્રેકિંગ સાધનની મદદથી કરવામાં આવેલા આ સંશોધનમાં એવું પણ ધ્યાનમાં આવ્યું કે સરેરાશ ગ્રાહક માત્ર ફૂડ કન્ટેન્ટ લેબલની ઉપરના ભાગ ઉપર જ નજર ફેરવી લેતા હોય છે. ન્યૂટ્રિશન કન્ટેન્ટનાં લેબલ વચ્ચે મૂકવાથી ૬૧ ટકા ખરીદદારોએ તે અંગે હકારાત્મક અભિપ્રાય આપ્યો હતો.