લ્યો, હવે સૌરઊર્જાથી ચાલશે આપની ગાડીનું એસી

 

 

-ગરમીમાં તમારી કારને ઠંડી બનાવી રાખવા માટે હવે તમારે પૈસા નહીં ખર્ચ કરવા પડે.


હવે એક નવી સિસ્ટમ એન્જિન ઓફ થવાની સ્થિતિમાં સોલર પેનલની મદદથી એસીને પાવર આપશે.

વાહનચાલકો હવે એન્જિન બંધ કરીને ગાડીનું એસી સિસ્ટમ ઓન રાખી શકશે. હોન્કોંગ પોલિટેક્નિક યુનિવર્સિટી અને ગ્રીન પાવર ઈન્ડસ્ટ્રીના વૈજ્ઞાનિકોએ આને શક્ય બનાવ્યું છે. તેઓએ એવી એસી સિસ્ટમ તૈયાર કરી છે જે અસહ્ય તાપને કારની અંદરની હવાના ઠંડા વાતાવરણમાં ફેરવી નાખશે. આમાં પેટ્રોલ કે ડીઝલ જરાપણ ખર્ચાશે નહીં. આ સિસ્ટમ સૌર ઊર્જાથી ચાલશે.

સિસ્ટમ કેવી છે

આ ફોટોવોલ્ટિક ટેક્નોલોજી અને ઈન્ટેલજિેન્ટ પાવર કંટ્રોલ દ્વારા કામ કરે છે .આ પદ્ધતિમાં જેવું એન્જિન બંધ થશે ઓન બોર્ડ એરકંડશિનર શરૂ થઈ જશે. આ પક્રિયા ઓટોમેટિક જેમાં જરાપણ અવાજ આવશે નહીં એની મદદથી ગાડીમાં બેઠેલા લોકો બંધ ગાડીમાં પણ પરસેવાથી રેબઝેબ થશે નહીં. આ પદ્ધતિનો લાભ સાર્વજનિક વાહનો પણ લઈ શકશે.

*ઘણા ફાયદા
બંધ વાહનનું એન્જિન ચાલુ કરી એસી ચાલુ કરવું ખોટું છે. આનાથી એન્જિનની સાથે એન્જિન ઓઈલ પર પણ તેની અસર થાય છે. ગાડીમાં કુલિંગ થતાં દસ મિનિટ જેટલો સમય લાગે છે. આ રીતે એક વર્ષ દરમિયાન લગભગ ૧૦૦ લિટર જેટલું પેટ્રોલ વેડફાઇ જાય છે. હવે આ નવી એસી સિસ્ટમથી આ ઇંધણની બચત થશે.

*પદ્ધતિ લાગુ પડી
સોલર પેનલ્સ દ્વારા કામ કરતીં એસી સિસ્ટમને હોંગકોંગના સાર્વજનિક વાહનોમાં લગાવવામાં આવી છે. આ ઉપરાંત એરપોર્ટ ઓથોરિટી ઓફ હોંગકોંગે પણ એરલાઈન્સના જુદાં જુદાં વાહનોમાં આ સિસ્ટમને લગાવી છે.

*આગળ શું
વૈજ્ઞાનિક આના ઉપર અને આધુનિક પદ્ધતિ પર કામ કરી રહ્યાં છે. એમનો વિચાર સૌરઊર્જાથી જ વાહનોની એસી સિસ્ટમ ચલાવવાનો છે. આ રીતે ઈંધણની વધારે બચત કરી શકાશે.

*સોલર પેનલ....
કોઈ મોટા સોલર ચાર્જરની જેમ આ ગાડીના ટોપ ઉપર સોલર ફોટોવોલ્ટિક પેનલ લગાવવામાં આવશે. એની મદદથી ઉત્પન્ન થતી વીજળી એક બેટરીમાં સ્ટોર થશે. સોલર પેનલને ગાડીના ઉપરના ભાગના આકાર પ્રમાણે ઢળતા રાખવામાં આવશે.

*ફાયદો શું થશે...
સૌ પહેલાં તો ગાડીના ટોપ પર લગાવવામાં આવેલા સોલર પેનલ્સ થર્મલ ઈન્સુલેશનનું કામ કરશે. એટલે કે અંદરના ઈિન્ટરિયર અને બીજા મોંઘા સામાનને તડકા સામે રક્ષણ આપશે પછી એન્જિન બંધ થયા બાદ પણ એસી ડ્રાઈવર અને અન્ય લોકોને ઠંડક આપતું રહેશે.